Pepsi Суперлига 30-тури доирасидаги ўйинлар ўз поёнига етди.

Мазкур турнинг охирги ўйини Наманганда, «Навбаҳор» ҳамда «Бунёдкор» ўртасида бўлиб ўтди. Қизиқарли тарзда кечган ўйиннинг биринчи бўлимида ҳисоб очилмаганди.

Иккинчи бўлимнинг 64 дақиқасида меҳмонлар дарвозаси томон 11-метрли зарба белгиланди. Пенальти Азизбек Турғунбоев жарима зарбасини амалга оширганидан сўнг, жарима майдончаси ичида тўп ҳимоячилардан бирининг қўлига текканлиги учун белгиланганди. Рўзимбой Аҳмедов эса зарбани аниқ амалга оширди - 1:0.

Якунда шу гол наманганликлар ғалабасини таъминлади.

PEPSI СУПЕРЛИГА. 30-ТУР

«НАВБАҲОР» - «БУНЁДКОР» - 1:0 (0:0)

Наманган. 12050 томошабин.

Ҳакамлар: Илгиз Танташев, Ҳусниддин Шодмонов, Александр Буров, Аҳмад Эргашев.

Назоратчи: Марат Исмоилов.

Комиссар: Бахтиёр Маметов.

Гол: Рўзимбой Аҳмедов (64 пен.).

Навбаҳор: Тўраев, Голбан, Ўрунов, Номанов, Жабборов, Турғунбоев, Ғофуров, Алиев, Аҳмедов (Сулаймонов, 83), Ҳошимов, Меҳмонов.

Бунёдкор: Султонов, Ашурматов, Комилов, Жўраев, Аҳмадалиев, Иброҳимов, Нурматов (Мирахмадов, 78), Тошматов, Собирхўжаев, Сулаймонов (Раевац 82), Ҳайдаров (Қосимов, 62).

Огоҳлантиришлар:Рўзимбой Аҳмедов (8), Даврон Ҳошимов (48) - Азизбек Ҳайдаров (8), Акром Комилов (63), Жавлон Иброҳимов (76).

Четлатиш: Жавлон Иброҳимов (90+2).