“Бетис” устози Кике Сетьеннинг таъкидлашича, “Барселона” ҳужумчиси Лионель Месси Испания футболини тарк этса, ачинишини таъкидлади. Ўз навбатида, мураббий аргентиналик юлдузни айни пайт “Ювентус” сафида тўп сураётган Криштиану Роналду билан солиштирди.

- Бир ўзи натижага таъсир кўрсатиб, ҳар қандай позицияда ўйнайдиган бир футболчини биламан – бу Месси. Қўл остингда шундай ўйинчи бор экан, ортиқча гап-сўзга ҳожат қолмайди. Унинг қолган 10 жамоадоши шундай дейишади: “У хоҳлаганини қилаверсин, буни биздан яхшироқ бажаради, биз фақат ғалабани ўйлаймиз”. Месси бу борада ягона. Ҳар бир футболчининг жамоада ўз роли, бунинг учун алоҳида тизим бор. Агар қайсидир ўйинчи шу тизимга амал қилмай, ундан холи тарзда тўп сурса, уни таркибга қўшмаслик керак, қанчалик яхши бўлмасин, ундан воз кечиш мақсадга мувофиқ.

Роналдунинг характеристикасини инобатга олсак, у мен учун ҳақиқий кашфиётга айланганди. Криштиану Испания футболининг алоҳида даврида тимсол бўлганди. У жуда кўплаб голлар урди, йирик совринларни қўлга киритди, ўз жамоаси учун муҳим футболчига айланди. Аммо унга ўхшаганлар яна пайдо бўлади. Шахсан мен фақат Мессининг кетишидан афсусланишим мумкин. Лео футболга мен ёқтирган барча нарсани қўшади. Ўйлашимча, унинг испан футболини тарк этиши худди ўз вақтида Марадона ва Круиффнинг кетиши сингари нохуш воқеага айланади. Айнан Диего ва Йоханнинг ўйинлари сабаб телевизор қаршисига жойлашардим, - деди Сетьен The Independent нашрига берган интервьюсида.