«Краснодар» ярим ҳимоячиси Павел Мамаевга нисбатан қайта айблов эълон қилинди. ТАСС агентлиги хабарига кўра, дастлабки айблов ҳужжатларида техник хатоларга йўл қўйилган. Хуллас, «Безорилик» ва «Тан жароҳати етказиш» моддалари бўйича қўшимча айбловлар ўқиб эшиттирилди. Олдинроқ Москва прокуратураси талабига кўра, футболчига нисбатан кўрилаётган моддалар енгилроғига ўзгартирилиши ва унинг гаров пули эвазига озодликка чиқиши ҳақида хабарлар тарқалганди. Аммо бу ўз тасдиғини топмади. Эслатиб ўтамиз, Александр Кокорин ва Павел Мамаев  октябрь куни Москвадаги қаҳвахоналардан бирида Минпромторг раҳбари Денис Пак ва «НАМИ» ташкилоти мутасаддиси Сергей Гайсинни дўппослашганди. Улар бу можародан олдинроқ «Первий канал» бошловчиси Ольга Ушакованинг ҳайдовчисига ҳужум қилишган. Жабрланганлар турли тан жароҳати билан шифохонага ётишган. Шундан сўнг футболчиларга расман айблов эълон қилинган ва улар суд томонидан 8 декабрга қадар ҳибсга олинишганди. Айбдорларга 7 йиллик қамоқ жазоси хавф солмоқда.