Россиялик мураббий Сергей Лушчан “Бунёдкор” билан судлашаётгани ҳақида кеча “Спорт” каналидаги чиқишда айтиб ўтгандим. Бир неча дақиқа олдин “Сўғдиёна” Лушчан билан шартномани узайтиргани (https://t.me/uzpfl/6108) маълум бўлди. Клуб келгуси мавсум учун тайёргарликни бошлагани ёқимли, бироқ масаланинг бошқа тарафи ҳам бор. Шу тарафдан келиб чиқиб ПФЛ “Сўғдиёна”ни огоҳлантирди (http://pfl.uz/news/sections/pfl/9813).
Аслида Лушчан “Бунёдкор”да қолиб кетган пулларини олиш юзасидан судга мурожаат қилган. Бунда қуйидаги масалаларга эътибор қаратиш керак.
1. ФИФАнинг Футболчилар статуси ва трансфери бўйича регламентининг 25.5 бандига кўра, томонлар ўртасида низо келтириб чиқарган воқеага икки йилдан ортган бўлса, ишнинг даъво муддати якунига етган деб ҳисобланади. Ўзбекистон футбол ассоциацияси ва Ўзбекистон Профессионал футбол лигаси низомнинг бу бандини ўз низомларига ҳам киритган.
2. Лушчан ЎФАга “Бунёдкор” устидан илк бор 2018 йилнинг 24 май куни ариза хати билан мурожаат қилган. Демак, ФИФА низомларидан келиб чиқиб, ЎФАнинг тегишли қўмитаси Лушчанга “Бунёдкор”дан фақатгина 2016 йилнинг 24 май санасидан то шу кунгача бўлган қарздорликларини олиб бериш юзасидан қарор чиқариши мумкин.
3. Лушчаннинг “Бунёдкор” билан тузган учала шартномаларида агар томонлар ўртасида низо келиб чиқадиган бўлса ва улар бу низони ўзаро ҳал қила олмаса, низо биринчи галда Ўзбекистон футбол ассоциацияси доирасида кўриб чиқилиши лозим, деб ёзилган. Аммо Лушчан шартномаларнинг шу бандига зид равишда ЎФА қарорини четлаб ўтиб, ишни кўриб чиқишни бошқа органга топширган.
Бундай ҳолатларда ФИФА уставига кўра, футболчи, мураббий ёки клубнинг бошқа вакили ЎзПФЛ аъзолигидан чиқариб юборилиши ва ўчириб ташланиши даркор (ФИФА устави, 61-банд, 1-3 пунктлар). 2019 йилги мавсум арафасида ПФЛ бу ишни ЎФА комиссиясига оширади ҳамда унинг қарори бўйича иш кўради.
4. Лушчан ва “Бунёдкор” ўртасида 2016 йил учун тузилган шартнома муддати ўша йилнинг 4 январидан 1 декабригача бўлган. Аммо “Бунёдкор” клуби Лушчанга декабрь ойи учун ҳам иш ҳақи берган. Эндиликда “Бунёдкор”га нисбатан 2019 йилги мавсум учун санкция қўлланилади.
5. Лушчан Россия фуқароси ҳисобланади. “Бунёдкор” эса Ўзбекистон футбол клуби. Демак, ФИФА қоидаларига кўра, ўртадаги низо халқаро мақомга эга. Агар низо иштирокчилари турли футбол ассоциацияларига тегишли бўлса, томонлардан бири иш юзасидан ФИФАнинг Низоларни ҳал қилиш палатасига ариза билан мурожаат қилиши мумкин. ФИФАнинг даъво муддати ҳақида юқорида баён қилинди.
Манба: https://t.me/diyorimamkhodjaev
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20