Turon24 Ўзбекистон Профессионал футбол лигаси томонидан уюштирилган мавсумнинг энг яхшиларини тақдирлаш маросимида Ўзбекистон терма жамоаси дарвозабони Игнетий Нестеров билан эксклюзив интервью ташкиллаштирди.
-Мавсумнинг энг яхши дарвозабони унвони сизга эмас, Элдор Суюновга топширилганига қандай муносабат билдирдингиз?
Игнатий Нестеров: Мен шунчаки ўрнимдан турдим-у, чиқиб кетдим. Мен ҳатто йил рамзий терма жамоаси эълон қилинишини ҳам кутганим йўқ.
-Фикрингизча, Суюнов ушбу унвонга қанчалик муносиб?
И.Н.: Бизга ҳеч нарса боғлиқ эмас. Энг яхшилар ПФЛ ва мухлислар томонидан танланди. Биз фақат ўз ўйинимизни кўрсатдик, холос. Шундай экан, улар мени бунга муносиб кўришмабдими, шундай бўла қолсин.
-Игнатий, сиз Осиё кубогига йўл олувчи футболчилар таркибининг кенгайтирилган рўйхатига киритилдингиз. Нима деб ўйлайсиз турнирда Купер асосий дарвозабонликда кимни танлайди? Сизними ёки Суюновними?
И.Н.: Бу ҳақда нимадир дейишим қийин. Таркибга фақат энг муносиблар киритилади. Шунинг учун ҳам йиғинлар ташкиллаштириляпти.
- Ўтказилган 6 та ўйиндан сўнг нима дея оласиз, Купер терма жамоа муҳитида нимани ўзгартирди?
И.Н.: Майдонда ва майдон ташқарисида тартиб ва интизомга алоҳида эътибор қаратилмоқда. Йиғинлар вақтида инфратузилмадан тортиб жамоавий руҳиятга қадар ҳаммаси идеал даражада бўлиши талаб қилиняпти. Купер учун интизом масаласи биринчи ўринда.
-Купернинг сўзларига қараганда, у ўйинни асосан ҳимоя орқали ташкиллаштиришга ҳаракат қиляпти. Агар шундай бўлган тақдирда ҳам Австралиядаги ўйинда Жанубий Кореядан ўтказиб юборилган 4 та гол жуда кўплик қилмайдими?
И.Н.: Ҳозирча ўртоқлик ўйинларидан келиб чиқиб бирор фикр билдирмаган маъқул. Ҳаммаси расмий ўйинлар вақтида маълум бўлади.
- Купернинг услуби ўзбек футболчилари ўйинига қанчалик мос?
И.Н.: Биз фақат жипслашишимиз ва мураббий нимани хоҳласа шуни кўрсатиб беришимиз лозим.
-Фикрингизча, Ўзбекистон терма жамоаси учун энг яхши мураббий ким: Қосимов, Абрамов, Кападзе ёки Купер?
И.Н.: Бу футбол. Шундай экан, саволингизга аниқ жавоб беришим мушкул.
Манба: turon24.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20