Испания примероси 18-тури доирасидаги «Хетафе» ҳамда «Барселона» ўртасидаги учрашув ўз поёнига етди.

«Альфонсо Перес» стадионида ўтган баҳс меҳмонларнинг 1:2 ҳисобидаги ғалабаси билан якунланди. Ўйиннинг 20-дақиқасида Лионель Месси ажойиб ҳаракатлари билан ҳисобни очган бўлса, 39-дақиқада Луис Суарес орадаги фарқни иккитага етказди.

Аммо бу голлардан мезбонларнинг руҳияти сўниб қолгани йўқ, аксинча янада катта иштиёқ билан олдинга ташланиб, 43-дақиқада Матанинг голи эвазига орадаги фарқни биттага қисқартиришди.

Бироқ қанчалик уринишмасин мағлубиятдан қутилиб қолишнинг иложи бўлмади ва мазкур ҳисоб учрашув охиригача ўзгармай қолди.

ЛА ЛИГА. 18-ТУР

ХЕТАФЕ – БАРСЕЛОНА 1:2 (1:2)

7 январь, 00:45, «Альфонсо Перес»

Голлар: 0:1 – 20 Месси, 0:2 – 39 Суарес, 1:2 – 43 Мата.

Хетафе: Сория, Кабрера, Даконам, Антунеш, Фулькье (Молина, 57), Арамбарри, Максимович, Портильо (Ибаньес, 84), Суарес, Анхель (Сайс, 74), Мата.

Барселона: тер Стеген, Пике, Альба, Серджи Роберто, Лангле, Артур (Аленья, 88), Ракитич, Видаль (Бускетс, 70), Дембеле (Коутиньо, 84), Месси, Суарес.

Огоҳлантиришлар: Артур (12), Альба (15), Фулькье (15), Суарес (61), Видаль (65), Кабрера (69), Максимович (77).