«Манчестер Юнайтед» клуби собиқ устози Луи Ван Гал Daily Mirror нашрига берган интервьюсида Англия чемпионати жорий мавсумида қайси жамоа ғолиб бўлиши ҳақида ўз тахминларини билдирди.

«Клопп «Ливерпуль»ни жанговар машинага айлантирди – бу ҳужум борасида ҳам ҳимоя борасида ҳам кўринмоқда. Шунинг учун ҳам мен пулимни қайси бир жамоага тикиш керак бўлса, фақатгина «Ливерпуль» клубига қўйган бўлар эдим.

«Қизиллар»нинг ўйинчилари ҳақида гапирганда, улар юқори савияга таяниб ўйнашмайди. Аслини олганда, «Сити» футболчилари юқори савияга эга, лекин шу билан бу жиҳат Гвардиола учун бош оғриғи ҳамдир. У жамоасига фақатгина қандай қилиб ҳужум қилишни ўргатади. Доим.

«Шаҳарликлар» ҳимояланганда бу жуда ҳам даҳшатли кўринмоқда. «Ливерпуль»да яхши ҳимоялана оладиган жамоа мавжуд. Бунинг сабаби, Клопп футболчиларини тўп билан ва тўпсиз ҳам кураш олиб боришга ўргатганидир.

Кўпчилик ўйинларда «Сити»нинг ҳимояланиши керак эмас, лекин кучлироқ рақибга дуч келганда улар муаммоларга учрамоқда. «Ливерпуль» мақтовга сазовор, чунки ҳамма жамоа ҳам «Сити»ни ҳимояланишга мажбур қила олмайди.

«Сити»нинг «Ливерпуль» устидан ғалаба қозонганига хурсандман, чунки бу чемпионлик учун курашда қизиқишни сақлаб қолади. Менинг назаримда, «Ливерпуль» клуби «Сити»дан яхшироқ кўринмоқда» - дейди Ван Гал.