Илҳом Мўминжонов масаласи ҳақида гап кетганида ҳамма бир жиҳатни тушунсин. У ҳали ҳеч нарсада айбдор эмас. Айбдор бутунлай бошқа инсон бўлиб чиқиши ҳам мумкин. Ҳаммасини вақт кўрсатади.

Аслида бу клуб зиммасидаги вазифа, унинг қизиқишлари бу ерда кўпроқ. Яқинда катта бир интервью (https://www.pfcnavbahor.uz/index.php/uz/yangiliklar/klub-yangiliklari/965-shamshod-sarikov-murabbij-z-addini-bilishi-kerak-2) берган Шамшод Сариковда кўринишидан аниқ фактлар бор шекилли. Демак, мухлислар клуб раҳбари сифатида бор ҳақиқатни ундан талаб қилишлари тўғрироқ, ПФЛдан эмас. Чунки бу аслида клубнинг ички иши. Ҳамма билганини гапирса, ҳақиқат осонроқ қарор топади. Ҳаммаси ими-жимида бўлса, эски ҳаммом, эски тос.

“Навбаҳор” клубига омад. Ишонаманки, мартгача клуб ривожи йўлида кўп нарса ҳал этилади ва жамоа бу каби ишлар касрига қолиб кетмайди. Тушунишимча, Рўзимбой гапирмоқчи бўлганди бир пайтлар, жамоага қайтариб, овозини ўчиришди шекилли. Клуб раҳбарида мана шунча гап (https://www.pfcnavbahor.uz/index.php/uz/yangiliklar/klub-yangiliklari/965-shamshod-sarikov-murabbij-z-addini-bilishi-kerak-2) бор экан. Улар аниқ айтишлари керак.

P.S. Ўтган мавсумда Сариков ПФЛ учун ҳеч қандай расмий мақомга эга бўлмаган. Жорий мавсумда у ё расмий мақом олади ёки ПФЛ билан муносабатларга киришмайди.