Саудия Арабистони биз учун қулай рақибмиди, Қатарми ёки Австралия? Масалан мен аниқ жавоб бера олмасдим. Чунки ҳар бирининг кучли, кучсиз, биз учун ўнғай ва бизга ноқулай бўлган тарафлари мавжуд. Шунинг учун Купер ҳам бу ҳақда ортиқча бош қотириб ўтирмади.
Агар Аҳмедов, Машарипов, Исмоилов ўйнаганида Япониядан очко олардик, дейиш қийин. Чунки бунинг акси ҳам бўлиши мумкин. Эҳтимоллик назариясидан келиб чиқиб айтдим.
Купер бу назарияни четга суриб туриб, конкретроғини танлади. Яъни, Машарипов ёки Исмоилов энг камида сариқ карточка олишса, 1/8 финалда ўйнай олишмайди. Демак, бу уларни асрашнинг биринчи йўли.
Машғулотдан кўра ўйинда жароҳат олишнинг эҳтимоли кўпроқ. Купер юқоридаги футболчиларни шундан ҳам ҳимоя қилмоқчи бўлди. У Шомуродов, Ҳамдамов ёки яна бошқа кимнидир ҳам асраши мумкин эди. Бироқ бу Японияга қарши ўйинни тўлиқ ташлаб қўйиш дегани эди. Шундан келиб чиқиб, у кимгадир дам берди, кимдандир фойдаланди. Дам берганлари аввалги икки учрашувда нисбатан кўпроқ дақиқа ҳаракат қилганди.
Бу Купер рақибни танлаб олди дегани эмас. Чунки қандай таркибни туширмасин, майдондаги футболчилар фақат ғалаба учун ўйнайди. Термада иккинчи таркиб деган тушунча нисбатан ҳомроқ, чунки термада фақат энг яхшилар ўйнайди, ўша захирадагилар ҳам саралаб олинганлардир.
Агар-агарлар билан бошни оғритмаган яхшироқ. Мақсади олий жамоа исталган рақибни енгиши керак. Япония билан ўйинга қадар Купер программа минимумни уддалаб бўлгани учун ҳам ротацияга қўл урди. Чунки энди у программа максимум ҳақида ўйлаши керак эди.
Австралия билан ўйинда йигитларга омад. Бу жамоани мағлуб эта олмаслик учун ҳеч қандай сабаб кўрмаяпман. Бизда бунинг учун ҳамма нарса бор, фақат имкониятларимиздан тўғри фойдалансак бас.
Диёр ИМОМХЎЖАЕВ, https://t.me/diyorimamkhodjaev
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20