Ўтган мавсумда бронза медалини қўлга киритган Наманганнинг “Навбаҳор” клуби айни пайтда ўқув-машғулот йиғинини Қримда олиб бормоқда. Мазкур йиғин давомида жамоа мураббийлари бир қатор янги футболчиларни ҳам кўрикдан ўтказишни режалаштиришган. Кеча жамоа расмий телеграм канали орқали “лочинлар” сафига 2 нафар эронлик ўйинчи қўшилгани ҳақида хабар берилганди. Бугун ҳам “Навбаҳор” лагерига янги легионер қўшилди. Бу россиялик ярим ҳимоячи Иван Соловьёв.
Соловьёв 1993 йилнинг 29 мартида туғилган. Футболчилик фаолияти давомида Россиянинг “Динамо” (Москва), “Зенит” (Санкт-Петербург), “Амкарь” (Пермь), “Факел” (Воронеж), “Динамо” (Санкт - Петербург) ва Финляндиянинг “Лахти” (Лахти) клубларида ўйнаган. Ўтган мавсумни Россиянинг “Сочи” жамоаси таркибида ўтказган.
Соловьёвнинг ҳаракатлари “Навбаҳор” мураббийларига маъқул келса, у билан шартнома имзоланади.
Айтганча, бир неча йилдан буён “Насаф” жамоасида тўп тепиб келаётган наманганлик ярим ҳимоячи Ислом Рашидхоновнинг янги мавсумни "Навбаҳор"да ўтказиши маълум бўлди ва ўзи ҳам бу хабарни тасдиқлади.
“Янги мавсумни “Навбаҳор”да ўтказишим ҳал бўлган. Ўз шаҳрим жамоасида тўп суришдан фақат хурсандман. Яқин кунларда олимпия терма жамоамизнинг Туркиядаги йиғини якунлангач, Остон Ўрунов билан биргаликда “Навбаҳор” йиғинига бориб қўшиламиз", - дейди Ислом Рашидхонов.
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20