Осиё кубоги 1/8 финал босқичи доирасидаги Австралия ҳамда Ўзбекистон терма жамоалари ўртасидаги баҳс ўз поёнига етди.

Учрашув терма жамоамиз устунлиги остида бошланди ва вакилларимизда бир-неча голга тортадиган яхшигина вазиятлар бўлди. Умуман, биринчи бўлим Ўзбекистон терма жамоасининг устунлиги остида ўтди. Аммо гол уриш ҳеч бир жамоага насиб этмади.

Иккинчи бўлим эса деярли тескари сценарийда давом этиб, Автралия устунлиги остида ўтди. Бироқ бу таймда ҳам гол кузатилмади.

Кейин эса табиийки, экстра бўлимларга мурожаат этилди. Бунда ҳам ҳисоб очилмагач футбол лотереяси бошланди.

Пенальтилар сериясида эса Игнатий Нестеров рақибнинг битта зарбасини қайтаришга муваффақ бўлганди. Аммо Ислом Тўхтахўжаев ҳамда Матар Бикмаевнинг хатолари сабаб Австралия ғалабани илиб кетди.

ОСИЁ КУБОГИ. 1/8 ФИНАЛ

АВСТРАЛИЯ – ЎЗБЕКИСТОН – 0:0 (0:0, 0:0)

Пенальтилар серияси – 4:2

21 январь. 19:00, «Sheikh Khalifa International Stadium, Al Ain»

Австралия: Райан, Сэйнсбери, Дегенек, Бехич, Миллиган, Рогич (Луонго, 111), Грант, Икономидис (Круз, 96), Ирвайн, Мабил (Лекки, 68), Макларен (Янну, 75).

Ўзбекистон: Нестеров, Исмоилов, Тўхтахўжаев, Ҳошимов, Зотеев (Сайфиев, 105), Сидиқов (Алибоев, 73), Шукуров, Аҳмедов, Ҳамдамов (Турғунбоев, 107), Машарипов, Шомуродов (Бикмаев, 104).

Огоҳлантиришлар: Тўхтахўжаев (2), Рогич (20), Бехич (25), Ҳошимов (46), Грант (109).