Португалиялик машҳур агентлардан бири Паулу Барбоза яқинда «СЭ» нашрига берган интервьюсида «Бенфика» ҳимоячиси Алехандро Гримальдо ҳақида гапириб, унинг «Зенит» сафига ўтиш имкониятларини чамалади.
- У замонавий чап қанот ҳимоячиси, яхши ҳимояланади, ҳужумларга қўшилади. Энг муҳими, жарима зарбаларини қойилмақом тарзда ижро этади, - дейди Барбоза.
- Португалия грандларида тўп сурадиган чап қанот ҳимоячилари рейтингида Гримальдони нечанчи ўринга қўярдингиз?
- Менимча, у биринчи поғонада бўлишга лойиқ.
- «Порту»даги Алекс Теллес-чи?
- Улар деярли бир хил савияга эгалар, Теллес Гримальдодан кучли эмас.
- Мабодо, Алехандро Россия чемпионатига ўтса, бошқа амплуадошларидан бир бош устун бўладими?
- Айни ҳолатда мослашиш жараёнини инобатга олиш даркор. Бунинг учун вақт талаб этилади. Аммо Гримальдо ушбу масалада қийналмаса керак, у «Барселона» мактабида таҳсил олган, испаниялик, бошқа чемпионатлар, хусусан, Россия лигасига ҳам тезда мослашади. Унинг муваффақиятли тўп суришига шубҳам йўқ.
- Айтайлик, у гўёки Марио Фернандесдек, фақат чап қанотда ўйнайди...
- Шунчаки, айтишим мумкинки, Гримальдо ажойиб футболчи, энг яхши чап қанот ҳимоячиларидан бири. Фернандес эса Россияда анчадан буён фаолият юритмоқда ва унинг ўйинини фақат сўнгги икки йил мобайнида фаол муҳокама қилишмоқда. Гримальдо бирданига шундай натижа бера оладими? Билмайман. Аммо ўйлашимча, у Россияга тезда мослашади. Яна бир масаладаги фикримни айтмоқчиман - унинг «Зенит» шарафини ҳимоя қилишига ишонмайман.
- Бунга питерликларнинг кам пул таклиф қилишгани сабабми ёки футболчининг ўзи у ерга боришни хоҳламайдими?
- Португалиядаги турли ҳолатлар туфайли «Бенфика» футболчининг айни дамда трансфер бозоридаги нархига мос тушмайдиган суммани талаб қилмоқда.
- «Бенфика» уни қанчага сотиши мумкин?
- 30 миллионга.
- «Зенит»нинг Португалия клуби билан яқин алоқалари чегирма ундиришда қўл келмасмикан?
- Бу бизнес. Яқин муносабатлар ижобий таъсир ўтказади, деб ўйламайман.
Ж.Бобохонов тайёрлади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20