Бўлажак чемпионатга тайёргарликни пойтахтимизда давом эттираётган “Андижон” жамоаси ўз сафига қўшиб олган янги футболчилар билан шартнома тузишда давом этмоқда. Таркибни кучайтириш учун таклиф этилган бир қатор хорижлик легионерлар билан музокара олиб борилди ва якунда сербиялик марказий ҳимоячи Алексич Радосав билан шартнома имзоланди, деб маълум қилмоқда клуб матбуот хизмати...
Маълумот учун: Алексич Радосав 1986 йилнинг 6 март куни Босния ва Герцоговинада таваллуд топган. Бўйи 190 см. Амплуаси марказий ҳимоячи. Сўнгги жамоаси ФК “Радник” (Биелина).
2013/2014 йилги мавсумда Босния ва Герцоговина чемпионатида иштирок этган “Зриньски” клуби билан мамлакат чемпионлигини нишонлаган. Ўша мавсумнинг 2-даврасида “Зриньски” клубига келиб қўшилган Радосав 10 та учрашувда майдонга тушиб, барча учрашувларда тўлиқ (900 дақиқа) ҳаракат қилган.
2017/2018 йилги мавсумда “Крупа” клубида ўйнаган жамоамизнинг янги аъзоси 28 та учрашувда майдонга тушиб, жамоаси билан биргаликда Босния ва Герцоговина Кубоги финалигача етиб келган ва финалда “Железничар” клубига 0:6 ҳисобида имкониятни бой берганди.
Фаолияти давомида Сербиянинг “Напредак”, “Раднички”, Босниянинг “Славия”, “Зриньски”, “Травник”, “Крупа” ва “Радник” клублари шарафини ҳимоя қилган Алексич Радосав бундан буён “Андижон” жамоасида фаолиятини давом эттиради.
***
Айтганча, Илдар Сакаев бошқарувидаги андижонликлар пойтахтдаги йиғин чоғида навбатдаги ўртоқлик ўйинида майдонга тушди. "Бургутлар"нинг бу сафарги спарринг-рақиби Тошкентнинг "Оқ-Тепа" жамоаси бўлди. Қибрай туманидаги "Спорт қароргоҳи"нинг табиий майдонида кечган баҳсда тажриба шижоатдан устун келиб, якунда "Андижон" 3:2 ҳисобида ғалаба қозонди.
"Андижон" учрашувни қуйидаги таркиб билан ўтказди: Виталий Мирний, Бобур Амонов, Бобур Акбаров, Илдар Маматказин, Аброр Хусинов, Абдуллох Олимов, Сардор Абдураимов, Фарҳод Бекмуратов, Абдураҳмон Абдулхақов, Сардор Сулаймонов, Рўзимбой Аҳмедов.
Захирадан тушганлар: Хушнуд Авилов, Руслан Мельзитдинов, Алексич Радосав, Даврон Исоқов, Шаҳбоз Жумабоев.
"Бургутлар"нинг голларига Сардор Сулаймонов, Шаҳбоз Жумабоев ва Даврон Исоқов муаллифлик қилди.
"Андижон"нинг навбатдаги ўртоқлик учрашуви 6 феврал куни "Бухоро"га қарши кечади. Шу куни андижонликларнинг пойтахтдаги йиғини якунига етади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20