Қатарнинг «Ал-Садд» клуби ҳужумчиси Бағдод Бунеджаҳ жамоадоши - «Барселона»нинг собиқ етакчиси Хави билан муносабатларига тўхталиб, ундан эшитганларини баён этди. «Хавининг айтишича, Каталонияда болаларни ёшликларидан «Реал»га нафрат билан қарашга ўргатишади. Дейлик, «Қироллик клуби» «Барселона» сафидаги бирор кимсага ёқмас экан», - деди Бунеджаҳ AS нашрига берган интервьюсида. Эслатиш жоиз, Хави Қатар футболига юзланишига қадар «Барса» сафида нақ 17 йил ўйнаган. Бунеджаҳ эса миллий чемпионатларнинг 2018 йилги энг яхши тўпураридир. «Ал-Садд» ҳужумчиси ўтган йили Қатар чемпионати доирасидаги 59та ўйинда 40та гол уриб, бу борада Лионель Месси ва Криштиану Роналдуни ҳам ортда қолдирди.
Айтганча, Испания кубоги ярим финали иштирокчилари ўз рақибларини билиб олишди. Қарангки, қуръа «Реал» ва «Барселона»ни бир-бирига рўбарў қилди. Иккинчи жуфтлик нисбатан оддий: «Бетис» -«Валенсия». Финал йўлидаги илк ўйинлар 6-7 февраль кунлари ўтказилади. Жавоб учрашувлари эса 27 февраль санасига белгиланган.
«Эль-класико»нинг дастлабкиси «Камп Ноу»да, иккинчиси «Сантьяго Бернабеу»да бўлиб ўтади. Хуллас, мухлислар бир ой ичида кетма-кет 3та «класико» гувоҳига айланишади. Принципиал рақиблар кубок финали йўлланмаси масаласига ойдинлик киритиб олишгач, 2 март куни Ла-лига 26-тури доирасида яна Мадридда учрашишади. Дарвоқе, кубок финалига Севилья мезбонлик қилади - «Бетис»нинг уй стадиони «Бенито Вильямарин». Умуман, ушбу арена мамлакат кубогининг ҳал қилувчи баҳсига илк марта ўз бағрини очади. Қўшимча маълумот шуки, «Барса» ва «Реал» ҳозирга қадар Испания кубоги доирасида 34 марта тўқнашган бўлиб, уларнинг 15тасида каталонияликлар, 12тасида мадридликлар ғалаба қозонишган, 7та баҳсда кучлар тенг келган. Айтиш ўринли, охирги 4 мавсумдан буён Copa del Rey турнирини бош соврини «Барселона»дан ортмаяпти. Каталонияликларнинг ушбу сериялари бошланишидан олдин (2014 йили) Испания кубоги айнан «Реал»га насиб этган.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20