ФИФА 2018 йилги трансферлар ҳақида тўлиқ маълумот берди. Демак, ўтган йили клублар томонидан янги ўйинчилар харидига жами 7,03 млрд. доллар сарфланган. Бу сумма 2017 йилги кўрсаткич (6,37 млрд. доллар)га нисбатан 10 фоиз кўпдир. 2018 йилнинг энг қимматбаҳо футболчиси - Килиан Мбаппе. 2017 йили «Монако»дан «ПСЖ»га ижара асосида ўтган футболчининг тўлақонли трансфери учун 180 миллион евро сарфланган.
Харидлар суммасининг 78,2 фоизи УЕФА байроғи остидаги клублар ҳиссасига тўғри келди. Умуман, ўтган йил умумий ҳисобда 3974та клуб трансферга қўл урган бўлиб, улардан 31таси 50 млн. доллардан кўпроқ сарфлади. Трансферлар сони бўйича эса рекорд янгиланди - 16500та (2017 йили 15600та эди). Трансферлар масаласида энг катта мусбат баланс Франция клубларига тегишли: +467,2 млн. доллар.
Англия жамоаларида эса энг катта манфий баланс кузатилди: -1,05 млрд. доллар. Қайд этиш жоиз, клублар 2019 йилнинг бошида бир неча шов-шувли трансферларни амалга оширишга улгурди. Жумладан, Леандро Паредес «Зенит»дан «ПСЖ»га 52 миллион доллар эвазига ўтди, «Милан» польшалик ҳужумчи Кшиштоф Пентек учун 39 «лимон» тўлади. Ярим ҳимоячи Френки де Йонг эса ёзда «Барселона» вакилига айланади. Унинг трансфер суммаси - 85 миллион доллар. Шунингдек, 73 миллион долларга баҳоланган Дортмунднинг «Боруссия»си ярим ҳимоячиси Кристиан Пулишич ҳам «Челси» сафига айнан ёзда қўшилади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20