Босим Қосим («Эйр-Форс» бош мураббийи): - «Пахтакор»ни ғалаба билан табриклайман. Уч нафар етакчимизнинг йўқлиги жамоамизга панд берди. Иккинчи гол барчасини ҳал қилди. Ўйиндаги тўхталиш - камдан-кам учрайдиган ҳолат. Бундай вазиятда футболчилар иштиёқини йўқотиб қўйиши мумкин. Бугун рақибимиз стандарт вазиятдан фойдаланишни маромига етказди. «Пахтакор»нинг гуруҳ босқичига йўлланма олишига ишоняпман. Клуб халқаро майдонда қандай ўйнашни билади. Уларда тажриба бор. Ўйинни 90 дақиқа ичида ҳал қилишни режалаштиргандик. Аммо рақибга қараб ўйнашга тўғри келди.
Шота Арвеладзе («Пахтакор» бош мураббийи): - Стадионга ташриф буюрган мухлисларга катта раҳмат. Уларсиз қанча гол урсак ҳам, ўйиннинг мазмуни йўқолади. Футбол ишқибозлар билан завқлидир. Ироқликларда мавсум давом этмоқда, бизда ҳали бошлангани йўқ. Шу сабабли ва янги ўйинчиларимиз кўплиги боис, жамоавий ўйин шаклланмаган. Таркибимизда аниқ бир етакчини ажратиб кўрсатолмайман. Бизда улар етарлича: Бикмаев, Машарипов, Қувватов... Таркиб билан боғлиқ келгусидаги режаларимиз - маҳаллий ва ёш футболчиларга ишонч билдириш. Ўтган мавсум ёшлар жамоасидан етти нафар ўйинчини асосий таркибга жалб этдик. Вақти-вақти билан ёшларга имконият бериб турамиз. Жасур Яхшибоевнинг ўйинидан қониқиш ҳосил қилдим.
Марат Бикмаев («Пахтакор» ҳужумчиси): - Ғалаба қозониб, кейинги босқичга йўл олдик. «Пахтакор»да ҳиссиётлар ажойиб. Бу клубда катта футболга қадам қўйганман. Мавсумдаги илк ўйинимиз бўлгани учун ҳаяжон ва қийинчиликлар сезилди.
Абдулазиз ИСКАНДАРОВ ёзиб олди
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20