«Қироллик клуби»нинг ишлари анча ўнгланди. Хусусан, уэльслик ҳужумчи Гарет Бэйл «Атлетико»га қарши кечган охирги ўйинда гол урди. У ўтган йилнинг май ойида Киев мезбонлик қилган ЧЛ финалида «Ливерпуль» дарвозасини 2 марта ишғол этгани билан «Реал»нинг ғалабасига катта «имзо» босганди. Зайниддин Зидан айни ўша «дубль» эвазига нуфузли турнир тарихидаги энг сермаҳсул мураббий мақомига эришгани кўпчиликка маълум. Қизиғи, франциялик мураббий Киевда Гаретни бошланғич таркибдан четда қолдирган ва танаффусдан кейингина «жанг»га ташлаганди. FourFourTwo нашри мухбирлари уэльслик юлдуз билан суҳбат чоғи асосан шу жиҳатга эътибор қаратишди. Маълум бўлишича, Гарет ва Зайниддин ўртасида ҳеч қандай муаммо туғилмаган, тўғри, улар фақат зарур пайт ўзаро мулоқотга киришишган, холос...
ЧЛ финали
- Очиғи, Зидан мен билан финал ҳақида умуман гаплашмаганди. Ўша тарихий беллашув оқшоми ҳам, Киевдаги охирги тунда ҳам ўзаро мулоқот қилмадик. Ваҳоланки, муносабатимиз чакки эмасди. Тўғри, биз қадрдон дўстлар эдик, дея олмайман. Лекин касбимизга оид масалаларда кўпчилик қатори суҳбатлашардик.
Финалда бошланғич таркибдан жой олмагани...
- Ҳа, илк дақиқалардан майдонга тушмаганимдан роса ранжиганим рост. Чунки декабрь ойидаги енгил жароҳатдан тўлиқ қутулган ва рисоладагидек тўп сураётгандим. Дейлик, ички чемпионатнинг охирги 4та учрашувида 5та гол ургандим. Қисқаси, ўзимни яхши ҳис этаётганим боис, финалда асосий таркибдан жой олишга умид боғлагандим. Аммо...
«Ливерпуль» дарвозасига урган голлари
- Майдонга тушиш лаҳзасини сабрсизлик билан кутдим. Ҳаттоки, ўйинга қўшилганимдан кейин ҳам аламим тарқалмаганди. Ўйлайманки, 2та гол урганимда ана шу жиззакилик таъсири бор. Ҳар ҳолда, жон-жаҳдим билан тўп сурдим, боримни ўйинга бағишладим. Кейинчалик ўша голларни 2 марта қайта кўриб чиқдим. Фақат шундан кейингина кимгадир ниманидир исботлаш ниятида эмас, ўзим ва жамоам учун ҳаракат қилганимга амин бўлдим. Футболчи ҳар қандай финалда соврин ютишни истайди. Бунга қандай ва қайси йўл билан эришишнинг ортиқча аҳамияти йўқ. Жумладан, 1 соатча захирада навбат кутиб ўтириш ва сўнгги 30 дақиқада ўйнаш ҳам ҳеч нарсани англатмайди. Муҳими - мақсадга эришиш!
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20