«Атлетико» клуби ҳужумчиси Антуан Гризманн Европа чемпионлар лигаси доирасида «Ювентус» жамоасига қарши учрашув олдидан ўз ўйин услуби ҳақида гапириб ўтди.
-Диего Симеонинг «Атлетико»даги талабларига кўникиш осонми?
-Унинг услуби «Реал Сосьедад» жамоасидаги кўникмаларимдан фарқ қилади. Унда тактик жиҳатдан ҳимоявий ишлар жуда ҳам кўп. Мен шерикларимдан эшитиб, кўриб ўрганишга мажбур бўлганман. Икки ойдан кейин асосий таркибда ўйнашни бошладим. Менга бизнинг услуб ёқади. Янги келганларга ўргатишга ҳаракат қиламан. Бу бизга омад келтирди. Биз уни ҳеч нарсага алмашмаймиз.
-Симеоненинг шогирдлари қора ишлар ва кўп кураш олиб боришга мажбур бўлади. Буни қандай бахолайсиз?
-Бошида қийин бўлди, чунки бунга ўрганмаганман. Олдинда туриб тўп кутиш бу ерда йўқ. Сен бу ерда ҳимояда ёрдам бериб ишлашинг лозим. Тўпни олиб қўйиш керак.
-Ўтган мавсум Европа лигасидаги ғалаба «Атлетико»га ушбу ЕЧЛ да ғолиб бўлишга кўмак берадими?
-Бизнинг таркибимизда Европа чемпионлар лигаси ва жаҳон чемпионати финалларида ўйнаган футболчилар бор. Биз муҳим ўйинлар ва ҳал қилувчи вазиятларда ўзимизга бўлган ишончни оширмоқдамиз. Бу бизга кўмак бермоқда.
Жамоамизда янги футболчилар бор. Лекин пойдеворимиз ўша бўлиб қолмоқда ва бу бизнинг натижага эришишимиз учун кўмак беради.
-Финал «Метрополитано»да бўлади. Бу кўпроқ иштиёқ берадими?
-Ҳа. Бизга ҳам, мухлисларимиз учун ҳам. Бу ерда ҳар доим ажойиб муҳит бўлиб келган. Уй финали ҳамма учун байрам бўлар эди. Унга етиш жуда ҳам қийин бўлади, лекин биз бор кучимиз билан ҳаракат қиламиз. Финалга етиш учун ҳамма ишни амалга оширамиз, кейин кўраверамиз, - дейди Гризманн.
Манба: www.uff.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20