Шота Арвеладзе («Пахтакор» бош мураббийи): - Футболчиларимиз билан фахрланаман, улар яхши жиҳатларини кўрсатишди. Охирги ҳафталарда астойдил меҳнат қилдик, барчага раҳмат айтаман. Рақибга нисбатан кўпроқ имкониятлар яратдик. Мезбонлар стандарт вазиятлардан кейин кескин ҳолатлар яратишга уринишди, бизда эса яққол вазиятлар талайгина бўлди. Ўзбек жамоалари ушбу турнирда яхши иштирок этишган. Имкон борича мусобақада узоқроққа боришга интиламиз. Биз жойлашган гуруҳ, у ердаги жамоаларни биламиз. Жуда кучли квартет. Бор имконимизни ишга солишда давом этамиз. Бугунги ғалабани энг муҳими дея олмайман, аммо Чемпионлар Лигасига чиқиш жуда аҳамиятли эди.

Драган Черан («Пахтакор» ҳужумчиси): - Баҳс қийин кечишини билгандик. Мезбонлар сафида юқори савияли легионерлар бор. Жамоамиз билан яхши ўйин кўрсатишга уриндик ва буни уддаладик. Баҳс оғир ўтди. Пенальти тепаётганда бироз чўчидим. Бир неча дақиқа олдин рақиб шундай имкониятдан фойдалана олмаганди. Лекин хотиржамликни сақлаб, фикримни жамладим. Гуруҳ босқичидаги рақибларимиз жуда кучли, лекин имконсиз ишнинг ўзи йўқ. Иккита мураккаб учрашувда зафар қучдик. Келгусида натижаларимиз янада яхшиланиши учун астойдил меҳнат қилишга тайёрмиз.