40 нафар ғолиб саркарда ёки ЧЛ ТАРИХИДАГИ ЭНГ ОМАДЛИ МУРАББИЙЛАР

01.04.2019 01:04

607

40 нафар ғолиб саркарда ёки ЧЛ ТАРИХИДАГИ ЭНГ ОМАДЛИ МУРАББИЙЛАР

Зайниддин Зидан «Реал Мадрид»га қайтди, бироқ франциялик мутахассис еврофутболнинг шоҳ турнири - ЧЛ-2018/2019 ўйинларини четдан кузатишга мажбур. Демакки, буюк Зизу мусобақанинг амалдаги ғолиб мураббийи мақомини ҳимоя қилолмайди. Лекин у кейинги мавсумдаёқ ғалабалар сони бўйича мутлақ рекордчи мураббий бўлиб олишга уриниб кўриши мумкин. Қуйидаги мақола айнан нуфузли турнир тарихидаги энг омадли мутахассислар ҳақида (манба: соккер.ру !!!!!!!).

Ғолиб мураббийлар рўйхати

- Шу кунга қадар Европа Чемпионлар кубогиҒЧемпионлар Лигаси турнири 63 марта ўтказилган бўлиб, уларда жами 40 нафар бош мураббий якуний ғалабани тантана қилган. Эътиборли факт: нуфузли совриннинг илк соҳиби - испаниялик Хосе Вильялонга (у дастлабки икки мавсумда тахтга кўтарилган) ҳам, охирги эгаси - франциялик Зайниддин Зидан (биласиз, Зизу «шалпангқулоқ» кубокни қаторасига 3 марта қўлга киритди) ҳам «Реал Мадрид» бошқарувида зафар қучган.

- Зайниддин Зидан, Карло Анчелотти ва Боб Пейсли ҳисобида 3тадан нуфузли соврин бор. Хуллас, бу борада ҳозирча мутлақ рекордчи йўқ. Совринлар сони бўйича етакчиларни битта ҳолат ажратиб турибди: Зизу 3та кубокни ҳам «Реал», Пейсли эса «Ливерпуль» билан ютган бўлса, Анчелотти аввалига «Милан»ни икки бора ғолиблик шоҳсупасига кўтарган, кейин «Реал»га узоқ кутилган «десима» (12-кубок)ни тақдим этган. Дарвоқе, ўша мавсум (2013Ғ2014) дон Карлога ёрдам берган ассистентлар орасида Зидан ҳам бор эди.

- Зайниддин Зидан ва Карло Анчелотти турнирда ҳам футболчи, ҳам мураббий ролида ғалаба нашидасини суришган. Умуман, яна 5 нафар киши шундай натижа билан мақтанишга ҳақли: Мигель Муньос, Жованни Трапаттони, Йохан Кройфф, Франк Райкаард ва Хосеп Гвардиола.

- Нақ 17 нафар мураббий УЕФА байроғи остидаги энг асосий турнирлардан бирида 2 мартадан ғалаба қозонишган, яна 20 нафар мутахассис ҳисобида 1тадан кубок бор. Демакки, бир карра ва кўп карра ғолиблар сони тенг - 20га 20. Такрорий ғалабалар сони ҳам кўп нарса мураббийларга боғлиқ эканлигини кўрсатиб турибди.

- Жорий ЧЛда курашни давом эттираётган 8 нафар бош мураббийга қарасак, улардан биргина Хосеп Гвардиола турнирда ғалаба қозониш тажрибасига эга. Ҳозирда «Манчестер Сити»ни кубок сари бошлаётган каталониялик мутахассис 2009 ва 2011 йилларда «Барселона» билан зафар қучганди. Хуллас, бу мавсум ғолиб мураббийлар сафи узайиши эҳтимоли катта. Ахир 8 нафар даъвогардан 7 нафар ҳали ғалаба гаштини сурган эмас. Булар - Эрик тен Хаг, Сержио Консейсау, Маурисио Почеттино, Оле-Гуннар Сульшер, Массимилиано Аллегри, Эрнесто Вальверде, Юрген Клопп. Айтганча, Клопп ва Аллегри бунгача 2тадан финални бой беришган.

- Ҳозирча ҳеч қайси мураббийга ЧКҒЧЛда 3та клуб билан зафар қучиш насиб этгани йўқ. 2тадан жамоани ғолиблик маррасига етаклаганлар эса 5 нафар: Эрнст Хаппель («Фейеноорд» ва «Гамбург»), Оттмар Хитцфельд («Боруссия» Д. ва «Бавария»), Жозе Моуриньо («Порту» ва «Интер»), Юпп Хайнкес («Реал» ва «Бавария») ҳамда Карло Анчелотти («Милан» ва «Реал»).

ЧК/ЧЛнинг барча ғолиб мураббийлари

Ғалабалар сони	Мураббий	Клублар (йиллар)
3	Боб Пейсли	«Ливерпуль» (1977, 1978, 1981)
3	Карло Анчелотти	«Милан» (2003, 2007); «Реал» (2014)
3	Зайниддин Зидан	«Реал» (2016, 2017, 2018)
2	Хосе Вильялонга	«Реал» (1956, 1957)
2	Луис Карнилья	«Реал» (1958, 1959)
2	Бела Гуттманн	«Бенфика» (1961, 1962)
2	Эленио Эррера	«Интер» (1964, 1965)
2	Мигель Муньос	«Реал» (1960, 1966)
2	Нерео Рокко	«Милан» (1963, 1969)
2	Штефан Ковач	«Аякс» (1972, 1973)
2	Деттмар Крамер	«Бавария» (1975, 1976)
2	Брайан Клаф	«Ноттингем Форест» (1979, 1980)
2	Эрнст Хаппель	«Фейеноорд» (1970); «Гамбург» (1983)
2	Арриго Сакки	«Милан» (1989, 1990)
2	Оттмар Хитцфельд	«Боруссия» Д. (1997); «Бавария» (2001)
2	Висенте Дель Боске	«Реал» (2000, 2002)
2	Алекс Фергюсон	«МЮ» (1999, 2008)
2	Жозе Моуриньо	«Порту» (2004); «Интер» (2010)
2	Хосеп Гвардиола	«Барселона» (2009, 2011)
2	Юпп Хайнкес	«Реал» (1998); «Бавария» (2013)
1	Жок Стейн	«Селтик» (1967)
1	Мэтт Басби	«МЮ» (1968)
1	Ринус Михелс	«Аякс» (1971)
1	Удо Латтек	«Бавария» (1974)
1	Тони Бартон	«Астон Вилла» (1982)
1	Жо Фэган	«Ливерпуль» (1984)
1	Жованни Трапаттони	«Ювентус» (1985)
1	Эмерик Еней	«Стяуа» (1986)
1	Артур Жорже	«Порту» (1987)
1	Гус Хиддинк	ПСВ (1988)
1	Любко Петрович	«Црвена Звезда» (1991)
1	Йохан Кройфф	«Барселона» (1992)
1	Раймон Гуталс	«Марсель» (1993)
1	Фабио Капелло	«Милан» (1994)
1	Луи ван Гал	«Аякс» (1995)
1	Марчелло Липпи	«Ювентус» (1996)
1	Рафаэль Бенитес	«Ливерпуль» (2005)
1	Франк Райкаард	«Барселона» (2006)
1	Роберто ди Маттео	«Челси» (2012)
1	Луис Энрике	«Барселона» (2015)

Мамлакатлар бўйича рейтинг

- Ғолиб устозларни фуқаролигига қарасак, Италия мураббийлик мактаби олдинда. Итальян мутахассислари ҳисобида жами 11та кубокбор.

- Агар жорий мавсум «Барселона» ғалаба қозонса, Испания вакиллари бу борада италияликлар билан тенглашиб оладилар. Ҳозирча улар 10та «шалпангқулоқ» ютишган. Тўғри, Массимилиано Аллегри Италия пешқадамлик мавқеини мустаҳкамлашга уриниб кўради, албатта.

- Англия ва Германия фуқаролари турнирда 7 мартадан зафар қучишган. Демак, бу йил агар «Ливерпуль» совринга эга чиқса, немис мураббийлар мактаби Юрген Клопп ҳисобига соф 3-ўринга чиқади.

- Умуман олганда, шу кунга қадар 14та мамлакат вакили турнирда ғалаба қозониш бахтига муяссар бўлган.

Ғолиб мураббийлар фуқаролиги

Ғалабалар сони	Мамлакат	Ғолиб мураббийлар (кубоклар сони)
11	Италия	Нерео Рокко (2та), Жованни Трапаттони (1та), Арриго Сакки (2та), Фабио Капелло (1та), Марчелло Липпи (1та), Роберто ди Маттео (1та), Карло Анчелотти (3та)
10	Испания	Хосе Вильялонга (2та), Мигель Муньос (2та), Висенте Дель Боске (2та), Рафаэль Бенитес (1та), Хосеп Гвардиола (2та), Луис Энрике (1та)
7	Германия	Удо Латтек (1та), Деттмар Крамер (2та), Оттмар Хитцфельд (2та), Юпп Хайнкес (2та)
7	Англия	Боб Пейсли (3та), Брайан Клаф (2та), Тони Бартон (1та), Жо Фэган (1та)
5	Голландия	Ринус Михелс (1та), Гус Хиддинк (1та), Йохан Кройфф (1та), Луи ван Гал (1та), Франк Райкаард (1та)
4	Шотландия	Жок Сток (1та), Мэтт Басби (1та), Алекс Фергюсон (2та)
4	Аргентина	Луис Карнилья (2та), Эленио Эррера (2та)
3	Руминия	Штефан Ковач (2та), Эмерик Еней (1та)
3	Португалия	Артур Жорже (1та), Жозе Моуриньо (2та)
3	Франция	Зайниддин Зидан (3та)
2	Австрия	Эрнст Хаппель (2та)
2	Венгрия	Бела Гуттманн (2та)
1	Бельгия	Раймон Гуталс (1та)
1	Сербия	Любко Петрович (1та)

Турнир гвардиячилари

- ЧЛдаги ўйинлар сони бўйича етакчи мураббий - Алекс Фергюсон (190та)нинг мавқеи анча баланд. Умуман, жорий мавсум ушбу рўйхатнинг юқори 9талиги ўзгармаслиги аниқ.

- Бу йил элит рўйхатдаги мураббийлардан фақат Хосеп Гвардиола ва Массимилиано Аллегрининг статистикаси яхшиланади, холос.

ЧКҒЧЛда энг кўп ўйин ўтказган мураббийлар

Мураббий	Ўйинлар сони	Клублар
Алекс Фергюсон	190та	«МЮ»
Арсен Венгер	178та	«Монако», «Арсенал»
Карло Анчелотти	166та	«Парма», «Ювентус», «Милан», «Челси», «ПСЖ», «Реал», «Бавария», «Наполи»
Жозе Моуриньо	141та	«Порту», «Челси», «Интер», «Реал», «МЮ»
Хосеп Гвардиола	110та	«Барселона», «Бавария», «Манчестер Сити»
Мирча Луческу	103та	«Интер», «Галатасарой», «Бешиктош», «Шахтёр»
Оттмар Хитцфельд	95та	«Боруссия» Д., «Бавария»
Луи ван Гал	95та	«Аякс», «Барселона», «Бавария», «МЮ»
Рафаэль Бенитес	95та	«Валенсия», «Ливерпуль», «Интер», «Челси» «Наполи», «Милан»
Массимилиано Аллегри	84та	«Милан», «Ювентус»

«Кўчманчи» мураббийлар

- Карло Анчелотти турнирда нақ 5та мамлакатнинг 8та жамоасини майдонга олиб тушган. Унинг бу масаладаги етакчилиги дахлсиз.

- Жозе Моуриньо ҳам нақ 5та мамлакат клубини бошқаргани билан фахрланиши мумкин.

ЧКҒЧЛда энг кўп клуб бошқарган мураббийлар

Мураббий	Клублар сони	Клублар
Карло Анчелотти	8та	«Парма», «Ювентус», «Милан», «Челси», «ПСЖ», «Реал», «Бавария», «Наполи»
Рафаэль Бенитес	6та	«Валенсия», «Ливерпуль», «Интер», «Челси» «Наполи», «Милан»
Клаудио Раньери	6та	«Валенсия», «Челси», «Ювентус», «Рома», «Интер», «Лестер»
Жозе Моуриньо	5та	«Порту», «Челси», «Интер», «Реал», «МЮ»
Роналд Куман	5	«Аякс», «Бенфика», ПСВ, «Валенсия», АЗ