Европа спорт нашрлари ассоциацияси (ESM) март ойи якунлари бўйича қитъадаги миллий чемпионатларда тўп сураётган футболчилардан иборат рамзий терма жамоа тузди.

Анъанавий тарзда ўтказилган сўровда La Gazzetta dello Sport (Италия), A Bola (Португалия), Marca (Испания), De Telegraaf (Голландия), Kicker (Германия), World Soccer (Англия), Frankfurter Allgemeine (Германия), Tipsbladet (Дания), ELF Voetbal (Голландия), Fanatik (Туркия), Nemzeti Sport (Венгрия), Sport Voetbal Magazine (Бельгия), «Спорт-Экспресс» (Россия) каби нуфузли нашрлар қатнашишди.

Энг кўп овоз тўплаганлар кучли учлигидан Лионель Месси («Барселона», 13), Херард Пике («Барселона», 11) ҳамда Виржил ван Дейк («Ливерпуль», 10) жой олишди.

Мазкур рамзий термага киритилганлардан ташқари қуйидаги футболчилар ҳам ESM овозларига эга бўлишди:

Дарвозабонлар: Льорис («Тоттенхэм»), Гулачи («Лейпциг»), Пятов («Шахтёр»), Трапп («Айнтрахт» Ф), Нету («Валенсия»), Облак («Атлетико»);

Ҳимоячилар: Бонуччи, Жоау Канселу, Кьеллини, Алекс Сандро (барчаси - «Ювентус»), Кулибали («Наполи»), Вертонген («Тоттенхэм»), де Лигт («Аякс»), Хасебе, Костич (иккиси - «Айнтрахт» Ф), Алекс Теллес, Эдер Милитау (иккиси - «Порту»), Чилуэлл («Лестер»), Хальстенберг («Лейпциг»), Дюбуа («Лион»), Пепе («Лилль»), Ляпорт («Манчестер Сити»);

Ярим ҳимоячилар: Верратти («ПСЖ»), Ф.де Йонг, ван де Бек (иккиси - «Аякс»), Бернардески, Пьянич, Эмре Жан (барчаси - «Ювентус»), Ракитич («Барселона»), Брандт («Байер»), А.Гомес («Аталанта»), Хамес Родригес («Бавария»), Хони («Алавес»), Сане («Манчестер Сити»), Жака («Арсенал»), Бруну Фернандеш («Спортинг»), Эррера («Манчестер Юнайтед»), Данилу («Порту»);

Ҳужумчилар: Квальярелла («Сампдория»), Кин («Ювентус»), Алькасер («Боруссия» Д).