«Манчестер Сити» клуби ва Бельгия терма жамоаси ярим ҳимоячиси Кевин де Брюйне 2014 йили нима сабабдан «Челси»ни тарк этгани ҳақида гапириб ўтди. «Матбуотда менинг Моуриньо билан муносабатим хусусида жуда кўп маълумотлар тарқалди. Ҳақиқат шундаки, у билан «Челси»да бўлган пайтимда атиги икки маротаба суҳбатлашганман. 2012 йили «Вердер» сафида ўйнаётган эдим ва ижарага кетмоқчи бўлганман. Қайтганимдан кейин эса мен билан кўплаб немис клублари қизиқишди. Юрген Клопп мени Дортмунднинг «Боруссия» клубида кўришни истади. Бироқ Моуриньо менга ёзди: «Сен қоласан. «Челси»нинг бир қисми бўлиб қолишингни истайман». Ўшанда унинг режалари қаторига киришимни тушундим. Жозе декабрь ойида ўз хонасига чақирди ва бу менинг ҳаётимдаги иккинчи кескин бурилиш бўлди. Унинг столида қандайдир қоғозлар бор эди ва у менга шуни ўқиб берди: «Де Брюйне. Нолта гол. Битта голли узатма». Унинг нима қилмоқчи бўлаётганини тушуниш учун менга бир дақиқа керак бўлди. Кейин эса у менга Виллиан, Оскар, Мата, Шюрлленинг статистикасини ўқиб берди. У ерда бундан ҳам яхшироқ рақамлар порлаб турарди. Жозе нимадир дейишимни кутди. Мен жавоб қайтардим: «Ушбу йигитларнинг баъзилари 15, 20та ўйинда иштирок этишди. Мен эса майдонга атиги уч маротаба тушдим. Буларни таққослаб бўладими?» Кейинчалик эса «Вольфсбург»да бунданда яхшироқ шароитда ўйнадим», - деди Де Брюйне.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20