Бугун, яъни шанба куни футбол бўйича Германия Бундеслигасининг сўнгги тур ўйинлари бўлиб ўтди. Нико Ковач қўл остидаги Мюнхеннинг «Бавария» клуби «Альянс Арена»да «Айнтрахт Франкфурт»ни қабул қилди.

Учрашувнинг 4-дақиқасидаёқ мюнхенликлар ярим ҳимоячиси Кингсли Коман ҳисобни очган бўлса, 50-дақиқага келиб меҳмон жамоа аъзоси Себастьян Аллер ҳисобни тенглаштирди (1:1). Ўйинда давомида «Бавария» аъзолари Давид Алаба (53), Ренату Саншеш (58), Франк Рибери (72), Арьен Роббен (78) бирин-кетин гол уриб ҳисобни йириклаштирди (5:1).

Шу тариқа «Бавария» мусобақанинг сўнгги турида «Анйтрахт Франкфурт»ни 5:1 ҳисобида мағлубият учратди. Мазкур ғалабадан сўнг Нико Ковач шогирдлари очколари сонини 78 тага етказиб олди ва мамлакат чемпионлигини қўлга киритди.

Шу куни Люсен Фавр бошлиқ «Боруссия Дортмунд» жамоаси «Боруссия Мюнхенгладбах» майдонига сафар қилди.

Беллашувнинг 45-дақиқасида дортмундликлар аъзоси Жейдон Санчо ҳисобни очган бўлса, 54-дақиқага келиб ярим ҳимоячи Марко Ройс ҳисобни 2:0 кўринишига олиб келди.

Сўнгги тур натижасига кўра «Боруссия Дортмунд» 76 очко тўплаб мавсумни 2-ўринда якунлади.

Бундеслига

34-тур баҳслари

18 май, шанба

Голлар: 1:0 — 4 Коман, 1:1 — 50 Аллер, 2:1 — 53 Алаба, 3:1 — 58 Саншеш, 4:1 — 72 Рибери, 5:1 — 78 Роббен

Голлар: 0:1 — 45 Санчо, 0:2 — 54 Ройс

Голлар: 0:1 — 28 Хаверц, 1:1 — 34 Лазаро, 1:2 — 38 Аларио, 1:3 — 54 Брандт, 1:4 — 72 Аларио

Голлар: 1:0 — 35, пенальти, Рашица, 1:1 — 86 Мукиеле, 2:1 — 88 Писарро

Голлар: 1:0 — 7 Террассино, 2:0 — 34 Валдшмидт, 3:0 — 54 Петерсен, 4:0 — 56 Петерсен, 5:0 — 61 Грифо, 5:1 — 69 Левен

Голлар: 0:1 — 12 Белфодил, 0:2 — 34 Крамарич, 1:2 — 66, пенальти, Бросински, 2:2 — 83 Боэтиюс, 3:2 — 90 Боэтиюс, 4:2 — 90 Матета

Голлар: 1:0 — 21 Вегорст, 2:0 — 37 Вегорст, 3:0 — 41 Кнохе, 4:0 — 55 Вегорст, 5:0 — 57 Гинчек, 6:0 — 60 Режбечай, 6:1 — 82 Шибер, 7:1 — 85 Брекало, 8:1 — 89, автогол, Данзо

Голлар: 1:0 — 56 Ҳеннингс, 2:0 — 60 Караман, 2:1 — 78 Мюллер

Демак, «Бавария» (1-ўрин), «Боруссия Д» (2-ўрин), «РБ Лейпциг» (3-ўрин) ва «Байер» (4-ўрин) келаси мавсум ЕЧЛни гуруҳ босқичидан бошлайди. 5- ҳамда 6-ўринларни эгаллаган «Боруссия М» ҳамда  «Вольфсбург» Европа лигасини гуруҳ босқичидан бошласа, 7-поғонадаги «Айнтрахт Ф» плей-офф босқичларида қатнашади. «Нюрнберг» (17-ўрин) ҳамда «Ганновер» (18-ўрин) жамоалари мусобақани аввалги турлардаёқ тарк этгани маълум бўлган бўлса, «Штутгарт» (16-ўрин) Бундеслигада қолиш учун ўтказиладиган баҳсларда иштирок этади.