Голландиялик вингер Арьен Роббен самарали фаолиятига якун ясаганини эълон қилди. «Охирги бир неча ҳафта давомида жуда кўп ўйладим. «Бавария» сафида охирги марта майдонга тушганимдан кейин якуний тўхтамга келиш учун маълум вақт обдон ўйлаб кўришим керак эди. Мана, барчасини тарозига солиб, профессионал футболчилик фаолиятига нуқта қўйишни лозим топдим. Буҳаётим давомидаги энг мураккаб қарор, шубҳасиз. Чунончи, хулоса чиқаришда ақлим ва кўнглим бир-бирига қарши бўлди. Бир томонда - футболга нисбатан муҳаббат ва «Ҳамон ҳаммаси қўлингдан келади» қабилидаги ишонч. Иккинчи томонда - энди ҳаммаси ўзим истагандек силлиқ кечмаслигию, жароҳат нималигини билмайдиган 16 ёшли йигитча эмаслигимни эслатувчи реаллик...», - деди Роббен Ziggo Sport нашрига берган интервьюсида. У 19 йиллик фаолияти давомида «Гронинген», ПСВ, «Челси», «Реал» ва «Бавария» жамоаларида тўп сурди. Умуман, 35 ёшли ярим ҳимоячи клуб футболида 606та ўйинда майдонга тушиб, 210та гол урди. Асосий факт - Роббен фаолияти давомида нақ 29та соврин ютди. Жумладан, Германия чемпионатида 8 марта зафар қучди, шунингдек, Англияда 2 бора, Испания ва Голландияда эса 1 мартадан чемпионликка эришди. 2013 йили эса «Бавария» сафида Чемпионлар Лигаси ғолибига айланди. Арьеннинг Голландия терма жамоасидаги статистикаси ҳам чакки эмас: 96та ўйин, 37та гол, ЖЧ-2010 ва ЖЧ-2014нинг тегишлича кумуш ҳамда бронза медали.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20