Англияда негадир кечаги афсоналарга унча ишонишмаяпти. Ҳеч қайси чемпионатда мураббийларни АПЛдаги каби тез-тез ишдан ҳайдашмаса керак. Тўғри, ўтган мавсум истеъфо бобида анча сокин кечди - атиги 6 нафар мураббий (шундан икки нафари «Фулхэм»да) чемпионат давомида ўз ваколатини топширди. Лекин мавсум-2017|2018да 10 нафар коуч ишдан айрилганди, ундан олдингисида клублар 8 нафар мутахассисга муддатидан олдин жавоб берган. Қисқаси, АПЛнинг мураббийлар истеъфосига боғлиқ масаласи ҳам мухлисларда катта қизиқиш уйғотади. Шунинг учунми, Британия матбуоти, қолаверса, интернетда янги мавсум давомида кимда истеъфога чиқиш коэффициенти қанча эканлиги мавзусида мақолалар жуда кўп. Хусусан, ODDSBible ҳам бу борада махсус рейтинг тузиб, ишдан ҳайдалишга асосий «даъвогар»ларни алоҳида ажратиб кўрсатди.
ODDSBible таҳлилига кўра, «МЮ» бош мураббийи Оле-Гуннар Сульшер ва «Челси» бошқарувини қўлга олган яна бир афсона - Франк Лэмпардда бу борадаги «имконият» қолганларникидан кўпроқ - 6га 1 коэффициент. Грэм Поттер («Брайтон»)нинг мавсум давомида ишдан айрилиши эҳтимоли эса 7га 1 коэффициенти даражасида баҳоланди. Албатта, ODDSBible ушбу рейтингни шакллантиришда кўплаб жиҳатларни эътиборга олган. Бунга алоҳида тўхталиб ўтиш шарт эмасдир. Шунчаки, рейтингнинг тўлиқ шакли билан танишиб чиқиш қизиқарли бўлса керак.
АПЛ: истеъфога чиҚиш «имконияти»
катта мураббийлар
Оле-Гуннар Сульшер («МЮ») - 6|1 коэффициент
Франк Лэмпард («Челси») - 6|1 коэффициент
Грэм Поттер («Брайтон») - 7|1 коэффициент
Крис Вайлдер («Шеффилд Юнайтед») - 10|1 коэффициент
Мануэль Пеллегрини («Вест Хэм») - 12|1 коэффициент
Марку Сильва («Эвертон») - 14|1 коэффициент
Хави Грасия («Уотфорд») - 14|1 коэффициент
Ральф Хазенхюттль («Саутгемптон») - 16|1 коэффициент
Даниэль Фарке («Норвич») - 16|1 коэффициент
Унаи Эмери («Арсенал») - 20|1 коэффициент
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20