«Ювентус»нинг босниялик ярим ҳимоячиси Миралем Пьянич Туриндаги тўртинчи мавсуми бошланишидан олдин янги мавсумдан нималарни кутаётганини айтиб ўтди.
Сарри ҳақида
- Ушбу мураббийнинг дастлабки кунлари жуда оғир бўлди. Олдингидан бошқача ишладик. Бир-биримиз билан танишдик ва мураббий биздан нимани истаётганини билишга уриндик. Билсангиз, Сарри ўта тажрибали мутахассис. Бу шундоқ кўриниб туради. У билан қувноқмиз. Жамоа борган сари унга ўрганиб бормоқда.
«Тоттенхэм» ҳақида
- «Тоттенхэм»га қарши ўртоқлик учрашувидан кейин биз нимага эришганимизни кўришни бошлайсиз. Сарри машғулотлар самараси қандай бўлишини билишни истайди. Айнан шу нарса уни кўпроқ қизиқтирмоқда.
Ўзининг роли ҳақида
- Менинг ролим, позициям мураббий учун муҳим. Бу менга ёқмоқда. Чунки унинг футболини кўрдим ва эндиликда тўпни кўпроқ қабул қилишим лозимлигини биламан. Мақсадим - бир ўйин давомида камида 150 марта тўпга тегиниш. Лекин бу унчалик аҳамият касб этмайди. Муҳими, яхши ўйнаб, кўзни қувонтириш. Саррининг сўзларига кўра, биз қандай ҳаракатланишни билишимиз керак. Чунки рақибларимиз аҳмоқ эмас, улар тайёрланган ва бизнинг қандай ҳаракат қилишимизни биладилар. қайтараман, жуда бахтлиман. Мавсумнинг тезроқ бошланишини кутяпман.
Миш-мишлар ҳақида
- Ўтган мавсум охирида Аллегри билан бу миш-мишларни кулиб қарши олгандик. Чунки у билан муносабатим ажойиб бўлган. Шу боис ҳам қолганимдан хурсандман. Умуман олганда, Туринда эканлигимдан жуда мамнунман. Чунки бу шаҳар, ўзим ўйнаётган фантастик клуб менга ёқади. Бошқа жамоага ўтишим учун ҳеч қандай арзигулик сабаб бўлмаган. Орзум - ЕЧЛда ғолиб чиқиш. «Юве» билан ушбу совринни қўлга киритиш учун қўлимдан келганини қиламан.
Роналду ва де Лигт ҳақида
- Роналду ҳамиша ўз олдига юқори мақсадларни қўяди ва оддийликка интилади. У ҳазиллашади, баҳслашади. Лекин ҳамиша бор эътиборини ишга қаратади. Криштиану таркибимиздаги энг кучли футболчи. У яна бир ажойиб мавсумни ўтказиши учун шароит яратиб беришимиз керак. Де Лигт ҳам ажойиб футболчи. У «Юве»да ўзини кўрсатади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20