АҚШ прокуратураси «Ювентус» ҳужумчиси Криштиану Роналдуга нисбатан номусга тегиш бўйича айблов эълон қилинмаслигини билдирди. Прокурор португалияликни жиноий жавобгарликка тортиш учун тўпланган далиллар етарли эмас, деб ҳисоблади.
Хабарингиз бўлса, ўтган йилнинг кузида америкалик модель Кэтрин Майорга 2009 йили футболчи Лас-Вегасдаги тунги клубда унинг номусига текканини айтганди. Майорганинг сўзларига кўра, Криштиану унга жим юриши учун 375 минг доллар тўлаган экан. Аммо орадан 9 ой ўтиб, қиз мазкур воқеани оммага ошкор этишга қарор қилган. Португалиялик юлдуз эса мазкур воқеага алоқадор эмаслигини айтганди: «Менга қарши билдирилаётган айбловларни инкор этаман. Номусга тегиш - даҳшатли жиноят».
Можаро бошлангач, «Ювентус» АқШ бўйлаб ўтказиладиган тижорат турнесига боришдан воз кечди. Клуб раҳбарияти ўз футболчисини қийин аҳволга солиб қўймаслик пайида бўлганди. Бунинг ўрнига туринликлар Осиёга саёҳат уюштиришди. Шунингдек, FIFA 19 ўйини муқовасида ҳам Криштианунинг сурати олиб ташлаб, асосий қаҳрамонлар сифатида Неймар, Кевин де Брюйне ҳамда Пауло Дибала олинди.
Кейинчалик «Ювентус» раҳбарияти ўйинчи ва ходимларга мавжуд вазият бўйича изоҳ беришни тақиқлади. Бу ҳақда «Ювентус»нинг собиқ аёл футболчиси Петронелла Экрот гапирганди: «Клуб қадриятлари ҳурмати сукут сақлашимиз лозимлигини айтишди. Ўзимни худди тузоққа тушгандек ҳис қилдим. Ўз фикримни очиқ-ойдин билдира олмаганим сабабли қийин аҳволда қолгандим».
Энди Роналду қонун олдида айбсиз. Номусга тегиш бўйича ёпилган иш жорий йил учун иккинчисидир. Испанияда солиқ тўламаганлиги учун очилган иш ҳам январда ёпилганди. Суд қарорига кўра, Роналду қарзларини қайтарди, қўшимчасига, 19 миллион евро миқдорида жарима тўлади. Эвазига Криштиануга нисбатан 23 ойлик шартли қамоқ жазоси белгиланди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20