Миллий термамиз ҳужумчиси(ярим ҳимоячиси) Элдор Шомуродов "Ростов"нинг "Крилья Советов"га қарши ўйинидаги энг яхши футболчи деб топилди. Қайд этиш керакки, ушбу сўровнома клубнинг расмий сайтида мухлислар ўртасида ўтказилган.

1. Элдор Шомуродов - 4.83

2. Сергей Песьяков - 3.69

3. Алексей Ионов - 3.67

4. Матиас Норманн - 3.65

5. Роман Ерёменко - 3.61

Олдин хабар берганимиздек, куни кеча Ростовда "Кр.Советов"га қарши кечган ўйинда (1:0) 24 ёшли ўзбекистонлик футболчи ғалаба голи муаллифи бўлган эди.

Эътиборлиси, жамоа мухлислари ортда қолган 5та турдан 4тасида Шомуродовни энг яхши футболчи деб топишди. У бунга қадар «Оренбург» (2:1), «Арсенал Тула» (2:3) ва «Урал» (2:2) билан баҳсларда ҳам ростовликларнинг энг яхши футболчиси бўлганди.

Эслатиб ўтамиз, Элдор 5 ўйинда 4та гол билан Россия чемпионати тўпурарлари рўйхатини бошқариб турибди. Артём Дзюба («Зенит») ва Александр Соболев («Крилья Советов») ҳисобида ҳам 4тадан гол бор.

Турнир жадвалида 2-ўринда бораётган «Ростов» 6-турда «Уфа» меҳмони бўлади. Ўйин 18 августга белгиланган.