Айни пайтда Наманган вилоятида янги замонавий бинолар қад ростламоқда. Ушбу қурилишларда хорижий компания ва инвесторлар ҳам фаол иштирок этишмоқда.
Шулардан бири Хитойнинг “NAMANGAN QIANXING INVEST” МЧЖ хорижий компаниясидир. Ушбу компания вакиллари айни кунларда вилоятимизда қурилаётган меҳмонхона ҳамда бошқа қурилиш иншоотларига инвестиция киритишмоқда.
Бугун ушбу компания раҳбари жаноб Чен Цинг Фу бошчилигидаги бир гуруҳ хитойлик инвесторлар Наманган шаҳар ҳокими, “Навбаҳор” ПФК президенти Шавкат Шокиржанович Абдураззоқов ҳамроҳлигида “Навбаҳор” уй учрашувларини ўтказадиган “Марказий” ўйингоҳга ташриф буюришди.
Хитойлик меҳмонларга ташриф давомида шунингдек, “Навбаҳор” ПФК вице-президенти Бахтиёр Исакджанович Усманов, “Навбаҳор” ПФК директори Бахтиёр Мелиевич Бобоев, “Марказий” ўйингоҳ директори Набихон Абдуғаниев ва “Навбаҳор” ПФК ходимлари ҳам ҳамроҳлик қилишди.
Хитойлик инвесторлар ташриф давомида футболчиларнинг кийим алмаштириш хоналари, спорт зал, ўйингоҳ майдони билан танишишди ҳамда “Навбаҳор” жамоаси бош мураббийи Деян Журжевич, ёрдамчи мураббийлар - Саша Кляич ва Мустафо Байрамов, шунингдек, “Навбаҳор” сардори Игорь Голбан, жамоа легионерлари – Александр Касьян ҳамда Иван Соловьёвлар билан учрашишди.
Мартабали меҳмонларга “Навбаҳор” ёшлар жамоаси футболчилари ўз маҳоратларини намойиш этишди.
Шунингдек, Наманган шаҳар ҳокими, “Навбаҳор” ПФК президенти Шавкат Шокиржанович Абдураззоқов ҳам хитойлик инвесторларга “мастер-класс” намойиш этиб берди ва мартабали меҳмонлар Шавкат Шокиржановичнинг маҳоратига тан бериб, уни олқишлашди.
Хитойлик инвесторлар вилоятимизнинг бош жамоаси бўлмиш “Навбаҳор” клуби ҳақида маълумотга эга эканликлари, “Марказий” ўйингоҳ Хитойдаги унча – бунча стадиондан қолишмаслиги, майдон чими ҳам аъло даражада эканлигини таъкидлаб, жамоамизга қизиқиш билдиришаётганлиги, ҳомийлик қилиш истаклари борлигини таъкидлашди.
Биринчи ҳомийлик кўмаги сифатида жаноб Чен Цинг Фу “Навбаҳор” вице-президенти Бахтиёр Усмановга дастлабки маблағни туҳфа қилди.
Ўз навбатида “Навбаҳор” ПФК томонидан мартабали меҳмонларга жамоа мураббийлари ҳамда футболчиларининг имзолари қўйилган тўплар, клуб логотипи туширилган футболка, кепка ва шарфлар совға қилинди.
Томонлар ўзаро ҳамкорлик алоқалари яна давом этишига келишиб олишди.
“Навбаҳор” ПФК матбуот хизмати.
Манба: fcnavbaxor.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20