Яқинда «Ливерпуль» билан амалдаги шартномасини узайтирган Алекс Окслейд-Чемберлен хорижлик ҳамкасбларимиз билан суҳбат жараёнида янги келишув, мавсум учун белгиланган мақсадлар, ишқибозлар мадади ва жароҳатдан кейинги қайтиш ҳақида гапирди.
- Алекс, янги шартнома тузганингиз билан табриклаймиз! Ўзингизни қандай ҳис қиляпсиз?
- Кучли ҳаяжондаман. Келишувни узоқ вақт муҳокама қилдик, шундай экан, шартномага имзо чекиш ва бу ерда қолиш жуда ёқимли. Тўғри, бутун бошли бир йилни ўтказиб юбордим, лекин шунга қарамай, янги битим тузиш - ҳақиқатан ҳам мен учун қизиқарли имконият. Умид қиламанки, кўплаб ўйинларни юқори даражада ўтказаман ва шу тариқа ўтган мавсум йўқ бўлганим учун айбимни юваман.
- Бу янги шартнома тузиш учун энг маъқул вақт эди, шундай эмасми?
- Ҳа, албатта. Бу барчамиз учун энг қулай фурсат эди. Чемпионлар Лигасидаги муваффақият - катта воқелик ва ўйлашимча, биз жамоа сифатида шу билангина чекланиб қолмоқчи эмасмиз. Бу клубда ҳамма ўз ишига жиддий ёндашади, истаклар ҳам муштарак, шу боис буларнинг бир қисми эканим ёқимли. «Ливерпуль» билан ҳамкорликни узайтирганимдан хурсандман.
- Аксарият мухлисларнинг фикрича, айни пайт клуб учун кўпчиликнинг эътиборини ўзига тортадиган палла экан. Футболчиларнинг бу борадаги фикрлари қандай?
- Тўғри. Жамоамизнинг ўсишга эришаётгани яққол кўринмоқда. Ҳаттоки, биз яхши ўйнай олмаганимизда ҳам натижаларга эришяпмиз ва бу дарҳақиқат ёқимли. Ўйинимиз жуда яхши чиқаётган пайтларда равнақ топяпмиз ва бизни тўхтатиш қийин бўлмоқда. Таркибимизда чиндан ҳам яхшигина футболчилар тўпланган, бу ўринда гап нафақат иқтидор, балки йигитларнинг характерига ҳам боғлиқ. Менежер ва мураббийлар, клуб ходимлари, уларнинг ҳаммаси мазкур жараённинг бир қисмидир. «Ливерпул»нинг бугунги структураси ҳар томонлама мукаммал. Ҳаммамиз ишга тўғри ёндашамиз, бу эса йўлимизда давом этиб, янада кўпроқ муваффақиятга эришиш имконини бермоқда. Режамиз шундай, уни бажара оламиз, совринларимиз коллекциясини бойитишга қодирмиз.
- Икки йилдан буён «Ливерпул»дасиз, шу вақт жуда қизиқ ўтгани шубҳасиз...
- Худди шундай! Гўёки, бу ерда янада кўпроқ вақт ўтказгандекман. Ўзимни жуда яхши ҳис қиляпман. Дастлабки мавсумимдаёқ шу қадар кўп воқеалар рўй бердики! Бошланиши қийин кечди, кейинги даврда - уч ёки тўрт ой мобайнида эса ўзимни дунё чўққисида тургандек сездим, ўз ўйинимдан роҳатландим. Ўз ролимни билардим, келгусидаги ўйинларнинг ҳар бир дақиқасини интиқлик билан кутдим, қўлимдан келган барча ишни қилиб, жамоамга ёрдам беришни хоҳладим. Кейин жароҳат олдим ва буларнинг бари йўқолди. Премьер-лига баҳсида бошланғич таркибда майдонга қайтишимни 16 ой кутдим. Шу жараён ҳаммасини ўзгартириб юборди, лекин бу давр чиндан ҳам мени клуб, ишқибозлар ва жамоадошларим билан боғлади.
- Мухлислар ҳам сизни қўллаб-қувватлашдими?
- Жуда кўплаб хат-хабарлар олдим. Бошқа мамлакатдагилар ёзишди, қайғурмаслигим кераклигини таъкидлаб, тезроқ сафга қайтишимга тилакдош эканликларини билдиришди. Бундай ҳолат мен учун ҳозир ҳам жуда ажабтовур туюлмоқда.
- «Саутгемптон» билан ўйинда, сўнгги 16 ой ичида илк марта бошланғич таркибда майдонга тушдингиз. Буёғига нима бўлади?
- Менинг шахсий мақсадларим - бу жамоавий мақсадлар. Аниқроғи, жамоа қандай мақсадда бўлса, меники ҳам шундай. Ҳар биримиз футбол ўйнашни хоҳлаймиз, ўз навбатида, бунинг имконсиз эканини ҳаммамиз англаймиз. Менга қолса, мунтазам майдонга тушишни хоҳлайман, аммо айни пайт жамоавий мақсадларга эътибор қаратиш мақсадга мувофиқ эканлигини тушуниб турибман. Менинг шахсий мақсадим - ҳар қандай паллада жамоага ёрдам бериш ва қанча ўйин ўтказиш имконим бўлса, шунча тўп суриш.
- Ва ниҳоят, ишқибозларга айтадиган сўзларингиз борми?
- Энг аввало, мени қўллаб-қувватлашгани учун миннатдорлик билдирмоқчиман, улар узоқ вақт мобайнида мени ёлғиз қолдиришмади. Мухлисларга шуни ваъда қилишим мумкинки, олдинга қадам ташлашимиз учун бор кучимни сарфлайман. Жароҳат олгунимга қадар кўрсатган ўйинимни такрорлашдан умидворман ва албатта, кўплаб сов-ринлар ютишни хоҳлаётган жамоанинг бир қисми бўлиб қолмоқчиман.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20