Янги мавсумда Туркиянинг «Ризеспор» клуби таркибига қўшилган голландиялик Мустафо ал Кабир учун 25 август оқшоми ўта хосиятсиз келди. Аввалига жамоанинг янги аъзоси машғулот базасида унутиб қолдирилди, кейин Мустафони стадионга киритишмади. Ниҳоят, у майдонга тушди-ю, 8-дақиқада жароҳат олиб, майдонни тарк этди.
Кўнгилсизликлар 2-тур учрашуви бошланишидан бирмунча аввалроқ бошланди. Ўз майдонида «Сивасспор» билан куч синашиш учун «Ризеспор» автобусда стадионга йўл олди. Салонда ал Кабирнинг йўқлигини ҳеч ким сезмади - уни машғулот базасида унутиб қолдиришганди. Мазкур эътиборсизликни изоҳлаш учун клуб хизматчиларида ягона рўкач - Мустафонинг ёзги трансфер дарчасида жамоага келганлиги эди.
Футболчининг бахтига, ўйин бошланишига анчагина вақт бор бўлиб, Мустафо таксида стадионга етиб олди. Бироқ у ерда навбатдаги тўсиққа дуч келди - соқчилар бирор-бир ҳужжати бўлмаган йигитчани ичкарига киришига имкон беришмади. Ал Кабир қўриқчилар ҳузурида қанча ушланиб қолгани маълум эмас, лекин бир амаллаб жамоадошларига қўшилиб олди.
Хуллас, Мустафо кийиниш хонасида айни пайтида пайдо бўлди ва «Сивасспор»га қарши баҳсни бошланғич таркибда бошлади. Аммо шундай кўргуликка учрашдан кўра учрашувга кечикиб келгани ва захирада қолгани яхшироқ бўларди. Боиси, ўйиннинг 8-дақиқасида у рақиб футболчиси томонидан амалга оширилган қўпол «подкат» оқибатида ўта жиддий жароҳат олди. Оёғи синган ал Кабирни замбил ёрдамида майдондан олиб кетишди.
Туркия ОАВнинг маълумотларига кўра, футболчи ками билан 6 ой давомида майдонга туша олмаслиги мумкин. Яъни, мавсумнинг асосий қисмини ўтказиб юборишга мажбур.
Мустафо ал Кабир 30 ёшда. У «Урал» жамоасида тўп сураётган Отман ал Кабирнинг акаси ҳисобланади. «Ризеспор» - Мустафонинг фаолиятидаги тўртинчи турк жамоаси. Бунгача у «Генчлербирлиги», «Антальяспор» ва «Анкарагюжю» клублари шарафини ҳимоя қилган. Бундан ташқари, ал Кабир Япония, Швеция, Италия, Голландия ва Саудия Арабистони клубларида тўп сурганди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20