АПЛнинг навбатдаги тури ҳам қизиқарли учрашувларга бой бўлди. Ҳафта сенсациясини «Норвич» қайд этди. Дебютант жамоа ўз майдонида амалдаги чемпион - «Манчестер Сити»ни илк мағлубиятга рўбарў қилди. «Ливерпуль» эса равон юришини давом эттирмоқда. «Қизиллар» бу сафар «Ньюкасл»га қарши баҳсда иродали ғалабани нишонлашди.

---- «Норвич» ҳужумчиси Теему Пукки жорий чемпионатдаги голлари сонини 6тага етказди. У шу аснода мавсум стартидаги голлар сони бўйича Фабрицио Раванелли (мавсум-1994|1995) ва Юрген Клинсманн (мавсум-1996|1997) натижасини такрорлади.

---- «Вулверхэмптон» - «Челси» учрашувида 3та гол урган Темми Абрахам ажойиб самарадорлиги билан мақтаниши мумкин - кетма-кет 2та «дубль» ортидан «хет-трик».

Хуллас, голлари сонини 7тага етказган ёш футболчи самарали старт бобида Диего Коста (мавсум-2014|2015) кўрсаткичини такрорлади. Бу борадаги рекорд Мики Куинн (мавсум-1992|1993да 8та гол) ҳамда Серхио Агуэро (мавсум-2011|2012да 8та гол)га тегишли. Айтиш жоиз, Агуэро ҳисобида ҳам ҳозир айнан 7та гол мавжуд.

14 сентябрь

ЛИВЕРПУЛЬ - НЬЮКАСЛ - 3:1 (2:1)

Ливерпуль. 51430 томошабин.

Голлар: Мане (28, 40), Салоҳ (72) - Виллемс (7).

Ливерпуль: Адриан, Александер-Арнольд, Матип, ван Дейк, Робертсон, Окслейд-Чемберлен (Милнер, 75), Фабиньо, Вейналдум (Шакири, 84), Салоҳ, Мане, Ориги (Фирмино, 37).

---------------------------------------------------------------------------------

БРАЙТОН - БЕРНЛИ - 1:1 (0:0)

Брайтон. 29398 томошабин.

Голлар: Моле (51) - Хендрик (90+1).

---------------------------------------------------------------------------------

МЮ - ЛЕСТЕР - 1:0 (1:0)

Манчестер. 73689 томошабин.

Гол: Рашфорд (8-пен.).

МЮ: де Хеа, Янг, Магуайр, Линделёф, Уан-Биссака, Мата (Чонг, 70), Матич (Фред, 67), Жеймс (Туанзебе, 90), Перейра, Мактомини, Рашфорд.

Лестер: Шмейхель, Эванс, Рикарду Перейра, Чилуэлл, Сеюнжю, Н~Диди, Тилеманс, Грэй (Барнс, 68), Мэддисон, Чоудури (Перес, 57), Варди.

---------------------------------------------------------------------------------

ШЕФФИЛД ЮНАЙТЕД -  САУТГЕМПТОН - 0:1 (0:0)

Шеффилд. 30985 томошабин.

Гол: Женепо (66).

Четлатиш: Шарп (85, Ш.).

---------------------------------------------------------------------------------

ТОТТЕНХЭМ - КРИСТАЛ ПЭЛАС - 4:0 (4:0)

Лондон. 59812 томошабин.

Голлар: Сон Хюн Мин (10, 23), ван Анхолт (21-авт.), Ламела (42).

Тоттенхэм: Льорис, Орье, Алдервейрелд, Вертонген, Роуз (Дэвис, 76), Сиссоко, Уинкс (Ндомбеле, 67), Ламела, Сон Хюн Мин, Эриксен, Кейн (Лукас Моура, 85).

---------------------------------------------------------------------------------

ВУЛВЕРХЭМПТОН - ЧЕЛСИ - 2:5 (0:3)

Вулверхэмптон. 21534 томошабин.

Голлар: Абрахам (69-авт.), Кутроне (85) - Томори (31), Абрахам (34, 41, 55), Маунт (90+5).

Вулверхэмптон: Руи Патрисиу, Вальехо, Коуди, Саисс, Траоре (Доэрти, 56), Дендонкер (Кутроне, 46), Рубен Невеш, Моутинью, Кастро, Хименес (Гиббс-Уайт, 70), Диогу Жота.

Челси: Аррисабалага, Рюдигер (Зума, 46), Кристенсен, Томори, Аспиликуэта, Жоржиньо, Ковачич (Баркли, 70), Алонсо, Виллиан, Маунт, Абрахам (Батшуайи, 77).

---------------------------------------------------------------------------------

НОРВИЧ - МАНЧЕСТЕР СИТИ - 3:2 (2:1)

Нориж. 27035 томошабин.

Голлар: Маклин (18), Кэнтуэлл (28), Пукки (50) - Агуэро (45), Родри (88).

Норвич: Крул, Байрэм, Амаду, Годфри, Льюис, Тетти, Маклин, Буэндиа (Дрмич, 83), Штиперманн (Србени, 89), Кэнтуэлл, Пукки.

Манчестер Сити: Эдерсон, Уокер, Стоунз, Отаменди, Зинченко, Гюндоган (де Брюйне, 57), Родри Эрнандес, Бернарду Сильва (Маҳрез, 73), Давид Сильва (Габриэль Жезус, 57), Стерлинг, Агуэро.

---------------------------------------------------------------------------------

15 сентябрь

БОРНМУТ - ЭВЕРТОН - 3:1 (1:1)

Борнмут. 10416 томошабин.

Голлар: Уилсон (23, 72), Фрейзер (67) - Калверт-Левин (44).

---------------------------------------------------------------------------------

УОТФОРД - АРСЕНАЛ - 2:2 (0:2)

Уотфорд. 21360 томошабин.

Голлар: Клеверли (53), Перейра (81-пен.) - Обамеянг (21, 32).

Арсенал: Лено, Давид Луиз, Колашинац, Папастатопулос, Мэйтленд-Найлз, Себальос (Уиллок, 60), Озил (Нелсон, 71), Жака, Гендузи (Торрейра, 67), Пепе, Обамеянг.

---------------------------------------------------------------------------------

АСТОН ВИЛЛА - ВЕСТ ХЭМ ЎЙИНИ БУГУН БЎЛИБ ЎТАДИ.

ЎЙИНДАН КЕЙИНГИ ФИКРЛАР

Хосеп Гвардиола («Манчестер Сити» бош мураббийи): - «Норвич»ни табриклайман. Биринчи голни стандарт вазият, иккинчисини эса қарши ҳужумдан кейин қўйиб юбордик. Рақиб шунинг ҳисобига ижобий натижага эришди. Бундан хулоса чиқариб, олдинга интилиш зарур. Тўп ошириш бобида ёмон ўйнамадик, вазиятлар яратдик, лекин рақибга нисбатан кўпроқ гол уролмадик.

«Норвич» - ҳаракатчан йигитлардан тузилган яхши жамоа. Биз ҳужумда аввалгидек тажовузкор ҳаракатланолмадик. Футболда хатосиз ўйнашнинг иложи йўқ. «Сити» ёки рақибнинг қанча зарба йўллагани муҳим эмас, асосийси - голлар сони.

Мухлислар биздан доимо ғалаба қозонишимиз ёки 100 очко тўплашимизни кутмасликлари керак. Охирги гапим шу - тезда тикланамиз ва қайтамиз.

Дэниэль Фарк («Норвич» бош мураббийи): - Якшанба тонгида ҳам машғулот ўтказамиз ва ўйин таҳлилига жиддий ёндашамиз. Чунки ушбу ўтмишга яна бир бор қайтишни истайман. Эртага ёқимли тонг отади ва диван устида қаҳва ичиб, ғалабани нишонлайман.

Тўғриси, ҳаётимдаги энг бахтли тунни қарши оляпман. Дунёнинг энг яхши жамоаси, энг яхши футболчилари, энг яхши мураббийи - топ-клуб устидан қозонилган ғалаба янгиланаётган «Норвич»га  катта имкониятлар очиб беради. Зеро, ёзги трансферлар даврида жароҳатланган футболчилар ўрнини босиш учун жуда кўп маблағ ишлатдик.

Шогирдларимга доимо ишонганман. Нафақат навбатдаги, балки чемпионатдаги барча ўйинларни фаворит сифатида бошламаслигимиз мумкин, аммо ҳамиша шундай бўлмайди. Мана, ажойиб сифатларимизни кўрсатиб, иложсиз ишнинг ўзи йўқлигини исботладик.

ТЎПУРАРЛАР

Абрахам (Челси) - 7та

Агуэро (Манчестер Сити) - 7та

Пукки (Норвич) - 6та...

---------------------------------------------------------------

6-ТУР

20 сентябрь (жума)

22:00   Саутгемптон - Борнмут

21 сентябрь (шанба)

14:30   Лестер- Тоттенхэм

17:00   Бернли - Норвич

17:00   Эвертон - Шеффилд Юнайтед

17:00   Манчестер Сити - Уотфорд

19:30   Ньюкасл - Брайтон

22 сентябрь (якшанба)

16:00   Кристал Пэлас - Вулверхэмптон

16:00   Вест Хэм - МЮ

18:30   Арсенал - Астон Вилла

18:30   Челси – Ливерпуль