Европа ЧЛ гуруҳ босқичи 2-турида «Тоттенхэм» дарвозасига яйраб 4та гол урган «Бавария» вакили Серж Гнабри етарлича эътироф этилди. Жумладан, Франциянинг обрўли спорт нашри - L’Equipe унинг Лондондаги ўйинига максимал - 10 баҳо қўйди. Эътиборни тортадиган факт шуки, L’Equipe бутун футбол тарихида атиги 11 нафар футболчига энг юқори баҳони раво кўрган. Шуни назарда тутсак, Гнабри ҳар қанча ғурурланишга ҳақли. Ҳар ҳолда, у асосий евротурнирнинг амалдаги финалчиси - «Тоттенхэм»ни «покер» билан «сийлади». Келинг, энди махсус фотожамланма воситасида Франция нашри экспертлари яна кимларнинг муайян ўйиндаги ҳаракатларини 10 балл билан баҳолашганини кўриб чиқамиз.
Серж Гнабри («Бавария»)
Йил - 2019
Рақиб - «Тоттенхэм»
Факт. Уго Льорисдек тажрибали дарвозабонни нақ 4 марта ожиз қолдирган Гнабри жорий йил L~Equipeнинг максимал баҳосига лойиқ топилган 3-футболчи бўлди.
Лукас Моура («Тоттенхэм»)
Йил - 2019
Рақиб - «Аякс»
Факт. Маурисио Почеттинони йиғлашга мажбур этган ўйин. Лукас Моура 3та гол уриб, ақлга сиғмас «камбэк»ни юзага келтирди (0:2дан кейин). Боз устига, 3-голи 90+6-дақиқага тўғри келди.
Душан Тадич («Аякс»)
Йил - 2019
Рақиб - «Реал»
Факт. Замонавий ЧЛ тарихида кузатилган яна бир ғаройиб «камбэк» қаҳрамони. «Реал»га қарши кечган ўйиндан сўнг Тадич 1997 йилдан кейин 4тадан кам гол урган ҳолда, L~Equipe нашридан энг юқори баҳо олган биринчи футболчи бўлди.
Неймар («ПСЖ»)
Йил - 2018
Рақиб - «Дижон»
Факт. Бразилиялик юлдузнинг «ПСЖ» сафидаги дебют мавсумида кузатилган буюк ўйин. Неймар ўшанда бечора «Дижон» дарвозасини 4 марта нишонга олишдан ташқари, яна 2та голга ассистентлик қилганди.
Карлос Эдуардо («Ницца»)
Йил - 2014
Рақиб - «Генгам»
Факт. Португалиялик ярим ҳимоячи суперюлдуз даражасига кўтарилолмади. Ҳаттоки, «Эшторил-Прая», «Порту» ва «Ал-Ҳилол» клубларида ҳам етакчилар сафига қўшилолмади. «Ницца»даги бир йиллик ижара муддати чоғи эса «Генгам»га 90 дақиқа давомида 5та гол «тортиқ» этиб, 7:2 ҳисобини таъминлаганди.
Роберт Левандовски («Боруссия» Д.)
Йил - 2013
Рақиб - «Реал»
Факт. Жозе Моуриньо 2012 йили Мадридда ниҳоят, «Барселона» ҳукмронлигини узиб қўйди, аммо ЧЛ ярим финалида Дортмунд «Боруссия»си, аниқроғи, Роберт Левандовскига қарши қандайдир чора тополмади. Польшалик тўпурар Серхио Рамос ва Рафаэль Варанни мутлақо ожиз қолдириб, 4та гол урган ўйинни бир эсланг...
Лионель Месси («Барселона»)
Йиллар: 2010 ва 2012
Рақиблар: «Арсенал» ва «Байер»
Факт. L~Equipe нақ 13 йил давомида бирор футболчига 10 баҳо қўймаганди. На Роналдиньо ва Зайниддин Зиданга, на Андрей Шевченкога. Кейин Месси саҳнага чиқдию, қаторасига 2 марта максимал балл олди. Аргентиналик даҳоча аввалига «Арсенал» дарвозасига 4та гол йўллади, кейин «Байер» билан баҳсда «флэш» қайд этиб қўя қолди.
Ларс Виндфельд («Орхус»)
Йил - 1997 йил
Рақиб - «Нант»
Факт. Максимал баҳога лойиқ кўрилган иккинчи дарвозабон. Дания термаси сафида лоақал 1 марта майдонга тушмаган Ларс Виндфельд УЕФА кубоги-1997|1998 доирасида «Нант» вакилларининг беҳисоб зарбаларини сеҳрли тарзда бартараф этиб, «Орхус» ғалабасини таъминлаганди.
Олег Саленко (Россия термаси)
Йил - 1994
Рақиб - Камерун термаси
Факт. Россиялик ҳужумчи мундиалда камерунликлар дарвозасини нақ 5 марта нишонга олиб, якунда ЖЧ-94 «Олтин бутса»си соҳибига айланган эди. Айтиш ўринли, у ЖЧ тарихида «флэш»га эришган ягона футболчи ҳисобланади. Тўғри, АҚШ мундиалидан кейин Саленконинг фаолияти кескин орқага кетди.
Франк Созе (Франция U-21 термаси)
Йил - 1988
Рақиб - Греция U-21 термаси
Факт. Ёшлар ўртасидаги ЖЧ-88 қаҳрамони. Финалда ҳисоб очилмагач, такрорий ўйин ташкил этилган ва Франк Созе 2та ўта чиройли гол уришдан ташқари, юнонларни тин олишларига заррача имкон қолдирмаган. Дарвоқе, у кейинчалик Франция миллий жамоаси сафида 39 марта майдонга тушди. L~Equipe Созени Франция тарихидаги энг яхши 100 нафар футболчи рўйхатига ҳам киритган: у элит рейтингда Поль Погба ва Николя Анелькадан олдинда қайд этилган.
Брюно Мартини
(Франция U-21 термаси)
Йил - 1988 йил
Рақиб - Греция U-21 термаси
Факт. «Осер»нинг афсонавий дарвозабони. Ҳа, L~Equipe журналистлари ўша кичик мундиал финалида дарвозасини дахлсиз сақлаган Мартинига ҳам юксак баҳо беришган эди.
Европа ЧЛ. гуруҳ босҚичи доирасидаги энг сермаҳсул 10та ўйин
8та гол
2011 йил. «Динамо» Зг. - «Лион» - 1:7
2014 йил. «Рома» - «Бавария» - 1:7
2015 йил. «Байер» - «Рома» - 4:4
2015 йил. «Реал» - «Мальмё» - 8:0
2019 йил. «Зальцбург» - «Генк» - 6:2
9та гол
2008 йил. «Вильярреал» - «Ольборг» - 6:3
2000 йил. «ПСЖ» - «Русенборг» - 7:2
2019 йил. «Тоттенхэм» - «Бавария» - 2:7
11та гол
2003 йил. «Монако» - «Депортиво» - 8:3
12та гол
2016 йил. «Боруссия» Д. - «Легия» - 8:4
Европа ЧЛ. 0:3дан кейин Қайтиш
0:3дан кейин дуранг
Мавсум-2002|2003 (гуруҳ босқичи). «Базель» - «Ливерпуль» - 3:3
Голлар: Росси (2), Хименес (22), Атуба (29) — Мерфи (61), Шмицер (64), Оуэн (85).
Мавсум-2004|2005 (финал). «Милан» - «Ливерпуль» - 3:3 (пен. -2:3)
Голлар: Мальдини (1), Креспо (39, 44) — Жеррард (54), Шмицер (56), Хаби Алонсо (60).
Мавсум-2014|2015 (гуруҳ босқичи). «Арсенал» - «Андерлехт» - 3:3
Голлар: Артета (25-пен.), Санчес (29), Окслейд-Чемберлен (58) — Ванден Борре (63, 72-пен.), Митрович (90).
Мавсум-2016|2017 (гуруҳ босқичи). «Бешиктош» - «Бенфика» - 3:3
Голлар: Тосун (58), Куарежма (83-пен.), Абубакар (89) — Гуэдеш (10), Семеду (25), Фейса (31).
Мавсум-2017|2018 (гуруҳ босқичи). «Севилья» - «Ливерпуль» - 3:3
Голлар: Бен Йеддер (51, 60-пен.), Писарро (90+3) — Фирмино (2, 30), Мане (22).
0:3дан кейин ғалаба
Мавсум-1993|1994 (гуруҳ босқичи). «Вердер» - «Андерлехт» - 5:3
Голлар: Руфер (66, 89), Братсет (72), Хобш (81), Боде (83) — Альберт (16), Боффин (18, 33).
Мавсум-2000|2001 (гуруҳ босқичи). «Депортиво» - «ПСЖ» - 4:3
Голлар: Пандиани (57, 76, 84), Тристан (60) — Окоча (29), Лерой (43, 55).
Европа ЧЛ. Англия клубларининг энг шармандали 13та маҒлубияти
Мавсум-1999|2000: «Барселона» - «Челси» - 5:1
Мавсум-2000|2001: «Спартак» - «Арсенал» - 4:1
Мавсум-2002|2003: «Маккаби» Х. - «МЮ» - 3:0
Мавсум-2002|2003: «Ньюкасл» - «Интер» - 1:4
Мавсум-2003|2004: «Арсенал» - «Интер» - 0:3
Мавсум-2003|2004: «Челси» - «Бешиктош» - 0:2
Мавсум-2014|2015: «Ливерпуль» - «Реал» - 0:3
Мавсум-2015|2016: «Бавария» - «Арсенал» - 5:1
Мавсум-2016|2017: «Порту» - «Лестер» - 5:0
Мавсум-2016|2017: «Арсенал» - «Бавария» - 1:5
Мавсум-2016|2017: «Бавария» - «Арсенал» - 5:1
Мавсум-2018|2019: «Црвена Звезда» - «Ливерпуль» - 2:0
Мавсум-2019|2020: «Тоттенхэм» - «Бавария» - 2:7
А.ҲАМИДОВ тайёрлади.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20