Раньерининг «Лестер»и vs Рожерснинг «Лестер»и

18.12.2019 11:29

431

Раньерининг «Лестер»и vs Рожерснинг «Лестер»и

Ҳа, «Лестер» ўзининг чемпионлик мавсумида, декабргача бўлган даврни инобатга олсак, нисбатан камроқ очко тўплаганди. Албатта, у пайтлари АПЛда бугунги кундагидек «Ливерпуль» йўқ эди, аммо фактлар барчасидан далолат бериб турибди: «тулкилар»га чемпионликни тақдим этган мавсум-2015|2016да 16-турдан сўнг Клаудио Раньери жамоаси 35 очко билан турнир жадвалида пешқадамлик қилганди.
Ҳозир «Лестер» 38 очко тўплаган ҳолда иккинчи поғонада бормоқда. Чемпионлик мавсумида «тулкилар» биринчи даврадан кейин 39 очко жамғаришганди («Арсенал» билан биринчи ўринни бўлишиб туришган). Демак, мавсум-2015|2016даги натижани такрорлаш учун бир очко камлик қиляпти, холос. Аммо Брендан Рожерс бошчилигидаги футболчилар бунданда яхшироқ кўрсаткичга эришиш пайидалар, ахир айни пайтга келиб «Лестер» АПЛда 8та ўйиндан иборат ғалабали серияга эга. «Тулкилар» жадвалда «Манчестер Сити» ва «Челси»дан юқоридалар, «МЮ» ва «Арсенал» ҳақида-ку, гапирмай қўяверамиз. Бугунги «Лестер» чемпионликка эришган жамоадек яхшими? Ҳа, Шмейхель ва Вардини инобатга олмаганда, ҳозирги жамоа аввалгисидан кескин фарқланишини ҳам унутмаслик лозим. Хуллас, бугунги фотожамланма мавзуси шу ҳақда. Яъни Клаудио Раньери ва Брендан Рожерс тузган барқарор таркибдаги асосий футболчиларни эътироф этиб, қайси жамоа кучлироқ эканини аниқлашга уриниб кўрамиз.

Дарвозабон

КАСПЕР ШМЕЙХЕЛЬ (2015|2016) vs КАСПЕР ШМЕЙХЕЛЬ (2019|2020)

Хулоса: дуранг

Марказий ҳимоячилар

УЭС МОРГАН|РОБЕРТ ХУТ (2015|2016) vs ЖОННИ ЭВАНС|ЧАГЛАР СЕЮНЖЮ (2019|2020)

Хулоса: Эванс|Сеюнжю тандеми кучлироқ

Қанот ҳимоячилари

ДЭННИ СИМПСОН|КРИСТИАН ФУКС (2015|2016) vs РИКАРДО ПЕРЕЙРА|БЕН ЧИЛУЭЛЛ (2019|2020)

Хулоса: Перейра|Чилуэлл тандеми кучлироқ

Таянч ярим ҳимоячилари

Н~ГОЛО КАНТЕ (2015|2016) vs ВИЛФРИД НДИДИ (2019|2020)

Хулоса: Канте кучлироқ