«Арсенал» ҳужумчи Габриэль Мартинелли билан янги шартнома тузмоқчи. Daily Mail газетасида ёзилишича, Лондон жамоаси 18 ёшли футболчининг ҳафталик маошини бирданига 3 баравар - 10 мингдан 30 минг фунтга оширмоқчи.
«Реал» Мартинеллига қизиқиш билдиргач, «канонирлар» шундай режа тузишга тушиб қолишди. Габриэлнинг «Арсенал»даги шартномаси 2024 йилнинг июнигача мўлжалланган. Лондонликлар уни ўтган йилнинг ёзида «Итуано»дан 6,7 миллион еврога сотиб олишганди.

Айтганча, «Кононирлар» ҳар эҳтимолга қарши, ҳужумчи Пьер-Эмерик Обамеянг ўрнига янги футболчи қидира бошлади. Жумладан, «канонирлар» «Милан» вакили Кшиштоф Пентек билан музокара бошланди. Пьер-Эмерик эса «Барселона» мўлжалида турибди. Аслида «Арсенал» габонлик футболчи билан хайрлашиш ниятида эмас, лекин агар «Барса» муносиб таклифни илгари сурса, лондонликлар музокара столи атрофига ўтиришга розилар. Қисқаси, клуб Обамеянг трансферидан тушадиган маблағнинг бир қисмини Пентекни сотиб олишга йўналтиради.
Клубга тегишли яна бир гап: «Арсенал» ва «Эвертон» клублари «Реал» ярим ҳимоячиси Хамес Родригес учун кураш бошлади. Sky Sportsнинг аниқлашича, ҳар икки жамоа колумбиялик учун 34 миллион фунт стерлинг тўлашга рози. Лекин лондонликлар ҳам, ливерпулликлар ҳам ижара вариантига мойиллик сезишяпти. Жумладан, Хамесни «Арсенал»да кўришни жамоа бош мураббийи Микель Артетанинг шахсан ўзи истамоқда.