Россиялик ҳужумчи Руслан Болов бугун Наманганнинг “Навбаҳор” жамоаси билан шартнома имзолади. Болов 1994 йил, 7 майда Россиянинг Нальчик шаҳрида туғилган. Амплуаси – ҳужумчи.

Футболчилик фаолияти давомида Россиянинг “Спартак - Нальчик” (Нальчик), “Краснодар-2” (Краснодар), “Волгарь” (Астрахан), “Факел” (Воронеж), “Авангард - Курск” (Курск) ва “Химки” (Москва вилояти) жамоаларида ўйнаган. Ўтган мавсумни эса Беларуснинг “Гомель” (Гомель) клубида ўтказган.

Руслан Болов 5 февраль куни пойтахтимиз Тошкентда тиббий кўрикдан ўтди ҳамда шу кунларда ўз ўқув-машғулот йиғинини Туркияда ўтказаётган жамоа ихтиёрига етиб боради.

Биз янги мавсумда Руслан Боловга омад ёр бўлиши ва чиройли ўйинлари ҳамда голлари билан "Навбаҳор"нинг ғалабаларига муносиб ҳиссасини қўшишини тилаб қоламиз", - деб ёзади “Навбаҳор” матбуот хизмати.
***

"Навбаҳор" - "Жетису" (Қозоғистон) 1:1
"Навбаҳор" голи: Аббос Ғуломов
"Навбаҳор": Ўткир Юсупов, Тоҳир Шамситдинов, Игорь Голбан, Хуршид Мухторов, Мирзоҳид Ғофуров, Ислом Рашидхонов, Азимжон Аҳмедов, Георге Андроник, Азизбек Турғунбоев, Аббос Ғуломов, Дидар Дурдиев.
Захира: Дилшод Ҳамроев, Обид Жўрабоев, Ғиёсжон Комилов, Сардор Теляков, Иван Соловьёв, Амирбек Жўрабоев, Абдулҳай Исмоилов, Ислом Исоқжонов, Максим Вотинов.