«Манчестер Сити» ҳужумчиси Серхио Агуэро АПЛнинг январь ойидаги энг яхши футболчиси сифатида тан олинди. Мураббийлар орасида эса «Ливерпуль» устози Юрген Клопп бош лауреат бўлди. Диққатга сазовор томони, ҳар иккиси бу борада ўз йўналишида АПЛ тарихидаги рекордчи мақомини олди.
ДАРВОҚЕ...
«Брайтон»нинг эронлик ярим ҳимоячи|ҳужумчиси Алиризо Жаҳонбахш январь ойининг энг чиройли голи муаллифи сифа-тида соврин олди. Унинг «Челси»га қарши ўйин (1:1)да акробатик услубда урган голи энг чиройлиси сифатида эътироф этилди.
2020 йилнинг илк ойида АПЛдан ўрин олган 3та ўйинда майдонга тушиб, 6та гол урган аргентиналик Серхио Агуэро шу билан 7-марта лауреат бўлди. Хуллас, «Манчестер Сити» тўпурари Англияда ойнинг энг яхши футболчисига аталган совринни қўлга киритиш бўйича «Ливерпуль» афсонаси Стивен Жеррард ва «Тоттенхэм» ҳужумчиси Гарри Кейнни ортда қолдириб, мутлақ рекордчига айланди. Қизиқарли факт шуки, Агуэро 3 марта айнан январь ойи якунларига кўра, эътироф этилган. Дарвоқе, Серхио бу сафарги сўровда Алиссон («Ливерпуль»), Абдулае Дукуре («Уотфорд»), Жек Грилиш («Астон Вилла»), Жордан Хендерсон («Ливерпуль»), Айосе Перес («Лестер») ва Жек Стивенс («Саутгэмптон»)дан кўпроқ очко олди.
Германиялик Юрген Клопп эса АПЛ-2019|2020да ойнинг энг яхши мураббийига аталган совринга 5-марта эга чиқди ва битта мавсумдаги кўрсаткич бобида рекорд ўрнатди. Бунга қадар мавсум-2017|2018да «Манчестер Сити» бош мураббийи Хосеп Гвардиола 4 марта ой лауреати бўлганди. Айтиш жоиз, Клопп шогирдлари январь ойида АПЛ доирасида 4 марта майдонга тушиб, бу ўйинларнинг барчасида ғалаба қозонишди. Шунга мувофиқ, германиялик мутахассис сўровда Хосеп Гвардиола («Манчестер Сити»), Ральф Хазенхюттл («Саутгэмптон») ва Найжел Пирсон («Уотфорд»)ни ортда ортда қолдирди.
Серхио Агуэро эътироф этилган ойлар
2013 йил октябрь
2014 йил ноябрь
2016 йил январь
2016 йил апрель
2018 йил январь
2019 йил февраль
2020 йил январь
Юрген Клопп эътироф этилган ойлар (фақат жорий мавсумда)
2019 йил август
2019 йил сентябрь
2019 йил ноябрь
2019 йил декабрь
2020 йил январь
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20