«Тоттенхэм» устози Жозу Моуриньо «Манчестер Сити» атрофидаги вазият ҳамда АПЛнинг еврокубоклар зонасидаги рақобат ҳақида тўхталди.

«Манчестер Сити»га қўйилган таъқиқ борасида ҳеч нарса демоқчи эмасман. Бу савол менга берилишини билган бўлсамда, вазиятни ўрганиш учун бир дақиқа ҳам сарф этганим йўқ. Бу таъқиқ АПЛнинг оддий жамоасига эмас, ўтган мавсумдаги чемпионларга қўлланилаётганини унутмаслик лозим. Вазият тўлиқ ойдинлашмагунига қадар ўз позициямда қоламан.

Бизнинг АПЛдаги асосий мақсадимиз кучли тўртликка кириш эмас. Биз ўз ўйинимизни янада яхшилашга ҳаракат қиляпмиз. Асосийси, иложи борича яхшироқ тўп суриш ва имкон борича очко жамғариш. Ана шунда мавсум сўнггида қайси ўринга лойиқ эканлигимизни билиб оламиз.

Ҳозирда, 5-ўрин билан ЕЧЛ йўлланмасини қўлга киритиш ҳақидаги фикрлар барча нашрлардан тинмай янграмоқда. Ҳамма бизни асосий даъвогар деб кўрсатётган бўлсада, бу ўрин учун «Вулверхемптон», «Арсенал», «Манчестер Юнайтед», «Эвертон» сингари жамоалар ҳам кураш олиб боришларини унутмаслик лозим.

Бу жамоаларнинг барчаси ўзини 5-ўрин учун ўзини муносиб деб хисоблайди ва буни майдонда исботлашга ҳаракат қилади» - дейди португалиялик мутахассис.