«Ювентус» бош мураббийи Маурицио Сарри Лондоннинг «Челси» клубидан қандай кетганини эслаб, футболчилар уни кўзда ёш билан кузатиб қўйишганини таъкидлади. «Яширишга ҳожат йўқ, «Челси» футболчилари билан баъзи жиҳатларда сира келишолмадик.
Лекин кетаётганимда, кўплаб йигитлар йиғлашди. Табиатан шогирдларимни ҳамиша мақтайдиган мураббий эмасман. Бунинг ўрнига кўпинча, хатоларга эътибор қаратаман. Оддий айтганда, футболчиларнинг кучли томонлари ҳақида гапиришни унча ёқтирмайман. Бизнинг ишда бундай ёндашув катта аҳамият касб этади, негаки, йигитлар мудом ўз устиларида ишлаб, ижобий томонга ўзгариш ҳаракатидалар. Дарвоқе, «Челси»да нисбатан кам ўйнаган йигитлар билан муносабатим яхши эди, чунки улар нега захирада қолишаётганини яхши тушунишарди», - бу Саррининг «Ювентус» матбуот хизматига берган интервьюсидан олинган парча.

• Италиялик мураббий Лондон клуби бошқарувини 2018 йилнинг ёзида қўлга олиб, «аристократлар»ни ЕЛ шоҳсупаси сари етаклаганди.
• «Челси» Сарри бошқарувида яна Англия суперкубогини ютди ва Лига кубоги финалига чиқди.
• Сарри лондонликлар билан 2019 йилнинг ёзида хайрлашди.