Айрим нашрларда Европа чемпионлар лигаси ва Европа лигасининг жорий мавсум ўйинлари санаси эълон қилинди. Маълумки каронавирус пандесияси сабаб мазкур икки турнир ҳам номаълум муддатга тўхтатилган эди.

Унда қайд этилишича, чемпионлар лигасининг 1/8 финалидан ўрин олган «Манчестер Сити» - «Реал», «Барселона» - «Наполи», «Бавария» - «Челси» ва «Ювентус» - «Лион» ўртасидаги жавоб ўйинлари 7-8 август кунлари ўтказилади. 9 август куни эса кейинги босқичга қуръа ташлаш маросими бўлиб ўтади.

Чорак финал ўйинлари 11-12 ва 14-15 август кунлари ўтказилса, 18-19 ва 21-22 август кунлари ярим финал ўйинлари бўлиб ўтади. Истанбулда ўтиши белгилаб қўйилган финал эса 29 август куни бўлиб ўтади.

Европа лигаси тақвими эса қуйидагича белгиланди:

Нимчорак финал дастлабки ўйинлари 2-3 август кунлари, жавоб ўйинлари 6 август. 7 август куни эса кейинги босқич қуръа ташлаш маросими.

Чорак финал дастлабки баҳслари 10 август, жавоб ўйинлари 13 август. Ярим финал ўйинлари 17 – 20 август кунлари ўтказилса, Польшанинг Гданск шаҳрида 27 август куни финал баҳси бўлиб ўтади.