ФУТБОЛ КЛУБЛАРИНИНГ ЭНГ ЧИРОЙЛИ РАМЗЛАРИ. Испаниянинг Marca нашри футболдаги танаффус чоғи зерикканиданми, ўзининг расмий сайтида турли йўналишлар бўйича қизиқарли сўровларни ўтказди. Жумладан, Испанияда катта обрўга эга спорт газетаси жаҳондаги футбол клубларига тегишли рамз (логотип)лар орасида энг чиройлисини танлашни ҳам мухлислар ҳукмига ҳавола қилди.
Marca тарқатган маълумотларга қараганда, футбол клубининг энг яхши рамзини аниқлаш учун йўлга қўйилган сўровда фақат мухлислар овози инобатга олинган. Ғолиблик эса якунда Мисрнинг «Ал-Аҳли» клуби рамзига насиб этди. Бу жамоа логотипи нақ 3 миллиондан кўпроқ овоз тўплади. Диққатга сазовор томони, сўровда иккинчи ўрин ҳам Африка вакилидан бўшамади - «Ража Касабланка» (Марокаш) рамзи 2,7 миллион марта ёқланди. Кучли учликни эса Бразилиянинг «Флуминенсе» жамоаси банд эди - 169 минг овоз (2 ва 3-ўрин ўртасидаги фарқга қаранг). Яна бир маълумот: Москванинг ЦСКА клуби рамзи 42 минг овоз тўплаган ҳолда, юқори 10таликка кирди (9-ўрин). Дарвоқе, шунга ўхшаш аввалги сўровда «Палмейрас» (Бразилия) логотипи 1-ўринга қўйилганди.
Жаҳоннинг энг чиройли размга эга 10та клуби
(Marca сўрови бўйича)
1. «Ал-Аҳли» (Миср) — 3 млн. овоз
2. «Ража Касабланка» (Марокаш) — 2,7 млн. овоз
3. «Флуминенсе» (Бразилия) — 169,2 минг овоз
4. «Реал» (Испания) — 134,2 минг овоз
5. «Фенербахче» (Туркия) — 76,4 минг овоз
6. «Ливерпуль» (Англия) — 75,9 минг овоз
7. «Барселона» (Испания) — 74,9 минг овоз
8. «Коло-Коло» (Чили) — 66,8 минг овоз
9. ЦСКА (Россия) — 42,9 минг овоз
10. «Бешиктош» (Туркия) — 34,4 минг овоз
Сўров гарчи Испания газетаси томонидан ташкиллаштирилган бўлсада, якунда мамлакат клублари кучли учликка киролмади. Мисол учун, «Реал» рамзи 134,2 минг овоз билан 4-ўринни банд этди. «Барселона» эса 7-поғона билан чекланди - атиги 74,9 минг овоз. Ҳа, чиройли разм масаласида «Ал-Аҳли» ўша «Реал» ва «Барса»дан ҳам анча устун...
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20