Мамлакат чемпионатининг пешқадамларидан бири – “Қўқон 1912”га қарши Суперлига 6-тур учрашувлари доирасидан ўрин олган илк беллашувда Бекободнинг “Металлург” клуби сафарда қийин учрашувни ўтказди ва ўзи учун ижобий анъанани давом эттириб, сафардан ғалаба билан қайтадиган бўлди.
Кутилганидек, учрашув мезбонларнинг катта босими ва кескин ҳужумлари билан бошланди. Бекободликлар дастлабки тазйиқларни бартараф этгач, аста секин ўйинни тенглаштиришди. Ҳар иккала жамоада гол киритиш учун қулай вазиятлар бўлди. Майдон эгаларининг камида тўрт бешта голлик ҳужумлари ва зарбаларини Александр Лобанов бартараф этган бўлса, меҳмонлардан Евгений Чумак, Шаҳзодбек Нурматов ва Аброрбек Тошқўзиевларда вазиятлар бўлди. Айниқса, украиналик легионер ҳисобни очишга жуда яқин келганди. Бироқ унинг зарбасига бироз аниқлик етишмади.
Иккинчи таймда ҳам ўйин сценарийси ўзгармади. Бироз ҳудудий устунлик мезбонлар томонида бўлса-да, “Металлург” ҳам бир неча марта майдон эгалари дарвозасига таҳдид солди. Айниқса Станислав Андреев ва Евгений Чумакларда ҳисобни очиш учун ниҳоятда қулай вазиятлар бўлди.
Ўйин тақдири эса ҳакам томонидан қўшиб берилган компенсация вақтида ҳал бўлди. Бекободликлар бурчак зарбасидан сўнг тўпни жарима майдонига етказиб беришди ва ҳимоячиларнинг палапартиш ўйинидан Саламат Қуттибоев унумли фойдаланди – 1:0. Майдон эгаларида эса мағлубиятдан қутилиб қолиш учун вақт ҳам, куч ҳам қолмаганди. Шу тариқа “Металлург” кетма кет иккинчи ютуғини қўлга киритиб, мусобақа жадвалида бир неча поғона юқорига кўтарилиб олди.
“ҚЎҚОН 1912” – “МЕТАЛЛУРГ” – 0:1 (0:0).
Ҳакамлар: Аскер Нажафалиев, Анвар Маражабов, Зиёдулла Абдураҳмонов, Лочинбек Долимов.
Назоратчи: Олег Дачев
Комиссар: Жаҳонгир Раҳматуллаев
Гол: Саламат Қуттибоев (90+3)
“Қўқон 1912”: 1.Музаффар Абдуллаев, 7.Асадбек Собиржонов, 8. Фарҳод Бекмуротов, 11. Мўмин Мелиев (10. Шохназар Норбеков, 63), 14. Аваз Маматхўжаев, 15. Ойбек Рустамов, 22. Муҳаммаданас Ҳасанов, 23. Александр Мерзляков, 33. Иван Йосович, 70. Мурод Холмуҳаммедов, 91. Якуба Бамба
Захира: 16.Элдор Адҳамов, 5.Славко Лукич, 13. Сардор Азимов, 18. Анваржон Хожимирзаев, 20. Иқбол Маликжонов, 99. Андрей Сидоров.
"Металлург": 12.Александр Лобанов, 8.Саламат Қуттибоев, 10.Шаҳзодбек Нурматов (15.Зоҳид Абдуллаев, 76), 14.Аброрбек Тошқўзиев, 21.Камолиддин Тожиев, 22.Шаҳзодбек Ғофурбеков (11.Иван Нагаев, 90+1), 27.Ихтиёр Тошпўлатов, 28.Станислав Андреев, 48.Дилшод Раҳматуллаев, 55.Акбар Исматуллаев, 88. Евгений Чумак (98.Дамир Темиров, 90+4).
Захира: 1.Акмал Турсунбоев, 7.Дониёр Нарзуллаев, 9.Маҳмуд Қудратиллаев, 34.Евгений Макеев.
Манба: "Металлург" матбуот ҳизмати
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20